ଉତ୍ତରପ୍ରଦେଶରେ ଧର୍ମପରିବର୍ତ୍ତନ ବିରୋଧରେ ପ୍ରେମିକାକୁ ଛାତରୁ ଧକ୍କା ଦେଲା ପ୍ରେମିକ। ଯୁବତୀଙ୍କ ମୃତ୍ୟୁ, ଅଭିଯୁକ୍ତ ଫେରାର।
କନକ ବ୍ୟୁରୋ: ଉତ୍ତର ପ୍ରଦେଶ ଲକ୍ଷ୍ନୌର ଦୁବଗ୍ଗାରେ ଧର୍ମନ୍ତରୀକରଣର ବିରୋଧ କରିବାରୁ ପ୍ରେମିକାକୁ ହତ୍ୟା କରିଛି ପ୍ରେମିକ । ପ୍ରେମିକ ୪ ମହଲା ଉପରୁ ଯୁବତୀଙ୍କୁ ତଳକୁ ଠେଲିଦେଇଥିବା ବେଳେ ଯୁବତୀ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲ।। ତେବେ କିଛି ସମୟ ପରେ ସମ୍ପୃକ୍ତ ଯୁବତୀର ମୃତ୍ୟୁ ହୋଇଛି । ଘଟଣା ପରେ ଅଭିଯୁକ୍ତ ପ୍ରେମିକ ଫେରାର ହୋଇଯାଇଛି । ପିଡୀତାଙ୍କ ପରିଜନ ପ୍ରେମିକ ତହରିର ଉପରେ ହତ୍ୟ।। ଏବଂ ଜବରଦସ୍ତି ଧର୍ମପରିବର୍ତ୍ତନର ମାମଲା ରୁଜୁ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁବଗ୍ଗାର ଡୁଡା କଲୋନୀର ୧୯ ବର୍ଷୀୟା ନିଧି ଗୁପ୍ତା ସେହି ଅଞ୍ଚଳରେ ରହୁଥିବା ସୁଫିଆନଙ୍କ ସହ ପ୍ରେମସମ୍ପର୍କରେ ଥିଲେ । ପୋଲିସର କହିବା ଅନୁସାରେ କିଛି ଦିନ ତଳେ ସୁଫିଆନ ଯୁବତୀଙ୍କୁ ମୋବାଇଲ ଫୋନ ଦେଇଥିଲେ । ଏହି କଥା ମଙ୍ଗଳବାର ଘର ଲୋକ ଜାଣିବାକୁ ପାଇଥିଲେ । ତେବେ ଏହାର ଅଭିଯୋଗ ନେଇ ସୁଫିଆନ ଘରେ ପହଞ୍ଚିଥିଲେ, ଦୁଇ ପରିବାର ମଧ୍ୟରେ ଏନେଇ ଗଣ୍ଡଗୋଳ ହୋଇଥିଲା । ଏହାରି ମଧ୍ୟରେ ଯୁବକ ଜଣଙ୍କ ଯୁବତୀଙ୍କୁ ଛାତ ଉପରୁ ତଳକୁ ଠେଲି ଦେଇଥିବା ପରିବାର ସଦସ୍ୟ ଅଭିଯୋଗ କରିଛନ୍ତି ।