ଋଣ ନେବା ବେଳେ ଗ୍ୟାରେଣ୍ଟର ହେଉଛନ୍ତି କି? ଘରକୁ ଆସିପାରେ ନୋଟିସ। ପଢିନିଅନ୍ତୁ ଗ୍ୟାରେଣ୍ଟର ହେବା ପୂର୍ବରୁ କଣ ରହିଛି ନିୟମ…
କନକ ବ୍ୟୁରୋ: ଯେତେବେଳେ କୌଣସି ବି ବ୍ୟକ୍ତିଙ୍କୁ ଲୋନ ବା ଋଣର ଦରକାର ପଡେ, ସେତେବେଳେ ବ୍ୟାଙ୍କରୁ ଲୋନ ଆଣିବା ପାଇଁ ଗ୍ୟାରଣ୍ଟରର ଆବଶ୍ୟକତା ହୋଇଥାଏ । ଗ୍ୟାରେଣ୍ଟର ହେବା ପାଇଁ ଅନେକ ପ୍ରକାରର ନିୟମର ପାଳନ କରିବାକୁ ପଡିଥାଏ । ଯଦି ଆପଣ କୌଣସି ପ୍ରକାରର ଲୋନର ଗ୍ୟାରେଣ୍ଟର ହୋଇଥାନ୍ତି ତେବେ ଆପଣଙ୍କୁ ଅନେକ ପ୍ରକାର କାଗଜପତ୍ରରେ ଦସ୍ତଖତ କରିବାକୁ ପଡିଥାଏ । ତେଣୁ ଔପଚାରିକତା ପାଇଁ କେହି ଗ୍ୟାରେଣ୍ଟର ହୋଇନଥାନ୍ତି । ଯଦି ଲୋନ ନେଇଥିବା ବ୍ୟକ୍ତି ଲୋନର ଅର୍ଥ ଦେଇପାରିନଥାଏ ତେବେ ସେହି ଗ୍ୟାରେଣ୍ଟରଙ୍କ ପାଖକୁ ନୋଟିସ ଆସିଥାଏ । ତେଣୁ ଲୋନ ଗ୍ୟାରେଣ୍ଟର ହେବା ପୂର୍ବରୁ କିଛି ନିୟମ ବାବଦରେ ଜାଣିବା ବହୁତ ଜରୁରୀ ।
Kanak News is now on WhatsApp
Join and get latest news updates delivered to you via WhatsApp
ଗ୍ୟାରେଣ୍ଟରଙ୍କ ଉପରେ ବଡ ଦାୟିତ୍ୱ
ବ୍ୟାଙ୍କ କିମ୍ବା କୌଣସି ବିତ୍ତୀୟ ସଂସ୍ଥାନରୁ ବିନା ଗ୍ୟାରେଣ୍ଟରରେ କୌଣସି ଲୋନ ମିଳିନଥାଏ । ଲୋନର ଗ୍ୟାରେଣ୍ଟର ହେବା ଗୋଟିଏ ବଡ ଦାୟିତ୍ୱ । ଯଦି ଲୋନ ଦେଉଥିବା ବ୍ୟକ୍ତି ଲୋନ ସୁଝିପାରିନଥାଏ ତେବେ ଆଇନତଃ ଭାବେ ଗ୍ୟାରେଣ୍ଟର ଉପରେ ଏହି ଲୋନ ଦେବାର ଦାୟିତ୍ୱ ଆସିଥାଏ ।
ପ୍ରତ୍ୟେକ ବ୍ୟାଙ୍କ ପାଇଁ ଗ୍ୟାରେଣ୍ଟର ହେବାର ଅଲଗା ଅଲଗା ନିୟମ ହୋଇଥାଏ । ତେବେ କିଛି ବ୍ୟାଙ୍କର କଥା ଯଦି ଦେଖିବା ଗ୍ୟାରେଣ୍ଟର ସେ ହୋଇଥାଏ ଯିଏ ଅନ୍ୟ ଜଣେ ବ୍ୟକ୍ତିର ଋଣ ସୁଝିବା ପାଇଁ ସହମତ ହୋଇଥାଏ । ଗ୍ୟାରେଣ୍ଟର ହେବା କେବଳ ଲୋନ ଭରୁଥିବା ବ୍ୟକ୍ତିଙ୍କୁ ଔପଚାରିକ ସହଯୋଗ କରିବା ନୁହେଁ ବରଂ ଲୋନ ଦେବାର ସମାନ ଭାବେ ଦାୟିତ୍ୱ ଥାଏ ।
ଋଣଦାତା ବରାବର ଦୋଷୀ
ନିୟମ ଅନୁସାରେ, କୌଣସି ଲୋନରେ ଗ୍ୟାରେଣ୍ଟି ଦେଉଥିବା ବ୍ୟକ୍ତି ଲୋନ ନେଉଥିବା ବ୍ୟକ୍ତିଙ୍କ ସହ ବରାବର ଋଣଦାତା ହୋଇଥାନ୍ତି । ଋଣ ପରିଶୋଧରେ ଅନିୟମିତତାର ସ୍ଥିତିରେ ବ୍ୟାଙ୍କ ପ୍ରଥମେ ଲୋନ ନେଇଥିବା ବ୍ୟକ୍ତିଙ୍କୁ ନୋଟିସ ପଠାଇଥାଏ । ଯଦି ତାଙ୍କର ଜବାବ ମିଳିନଥାଏ ତେବେ ବ୍ୟାଙ୍କ ଋଣଦାତାଙ୍କ ସହ ଗ୍ୟାରେଣ୍ଟରଙ୍କୁ ବି ନୋଟିସ ପଠାଇଥାଏ । ପ୍ରଥମେ ବ୍ୟାଙ୍କ ଚେଷ୍ଟା କରିଥାଏ ଲୋନ ନେଇଥିବା ବ୍ୟକ୍ତିଙ୍କ ପାଖରୁ ଟଙ୍କା ଆଦାୟ କରିବା ପାଇଁ ଯଦି ସେ ଟଙ୍କା ସୁଝିପାରିନଥାନ୍ତି ତେବେ ଗ୍ୟାରେଣ୍ଟର ମଧ୍ୟ ଡିଫଲ୍ଟର ହେବା ସହ ଏଥିପାଇଁ ଦାୟୀ ହୋଇଥାନ୍ତି ।
ଗ୍ୟାରେଣ୍ଟରର ଆବଶ୍ୟକତା କାହିଁକି?
ବ୍ୟାଙ୍କ ସବୁପ୍ରକାର ଲୋନରେ ଗ୍ୟାରେଣ୍ଟର ଖୋଜିନଥାଏ । ତେବେ ପର୍ଯ୍ୟାପ୍ତ ପରିମାଣର କାଗଜପତ୍ର ନ ମିଳିବା ପରେ ବ୍ୟାଙ୍କକୁ ଯଦି ଲାଗିଥାଏ ଯେ ଋଣଦାତା ଟଙ୍କା ସୁଝିପାରିବ ନାହିଁ ସେହିସ୍ଥିତିରେ ଗ୍ୟାରେଣ୍ଟର ଆଣିବା ପାଇଁ କହିଥାନ୍ତି । ଯଦି ଜଣେ ଗୋଟିଏ ବଡ ରାଶିର ଲୋନ ନେଉଛି ତେବେ ସେତେବେଳେ ଗ୍ୟାରେଣ୍ଟରର ଅବଶ୍ୟକତା ପଡିଥାଏ । ଏଥିପାଇଁ କୌଣସି ପ୍ରକାରର ଗ୍ୟାରେଣ୍ଟର ହେବା ପୂର୍ବରୁ ସବୁ ନିୟମ ଜାଣିନେବାର ଆବଶ୍ୟକତା ରହିଛି ।
ଗ୍ୟାରେଣ୍ଟର ହେବା ପଡିପାରେ ମହଙ୍ଗା
ଲୋନ ଗ୍ୟାରେଣ୍ଟର ହେବା ବେଳେ ଆମର କ୍ରେଡିଟ ସ୍କୋର ମହତ୍ତ୍ୱପୂର୍ଣ୍ଣ ଭୂମିକା ନିଭାଇଥାଏ । ନିୟମ ଅନୁସାରେ ଆପଣଙ୍କ କ୍ରେଡିଟ କାର୍ଡର ଯାଞ୍ଚ କରାଯାଇଥାଏ । ଯଦି ଆପଣ ବ୍ୟାଙ୍କରୁ ଲୋନ ନେଇଛନ୍ତି ତେବେ ଆପଣଙ୍କ ଇଏମଆଇର ସ୍ଥିତି କଣ । ଯଦି କ୍ରେଡିଟ କାର୍ଡ ବ୍ୟବହାର କରିଥାନ୍ତି ତେବେ ବିଲ ପୈଠ ସମୟ ଅନୁସାରେ ହେଉଛି ନା ନାହିଁ । ଯଦି ଲୋନ ନେଉଥିବା ବ୍ୟକ୍ତି ତାକୁ ଦେଇପାରନ୍ତି ନାହିଁ ତେବେ କ୍ରେଡିଟ ସ୍କୋର ଖରାପ ହୋଇଥାଏ । ପରେ ଯେତେବେଳେ ଆପଣ ଲୋନ ପାଇଁ ଯିବେ ଆପଣଙ୍କୁ ଏଥିପାଇଁ ଅସୁବିଧାର ସାମ୍ନାକରିବାକୁ ପଡିବ ।