କନେଷ୍ଟବଳରୁ ସିଧା ଡିଏସପି ହେବାକୁ ଯାଉଛନ୍ତି ବିହାରର ଏହି ମହିଳା, ଜାଣନ୍ତୁ କେମିତି ଥିଲା ସଂଘର୍ଷର କାହାଣୀ
କନକ ବ୍ୟୁରୋ : ଲକ୍ଷ୍ୟ ସ୍ଥିର ଓ ସଂକଳ୍ପ ଦୃଢ ଥିଲେ ଦୁନିଆରେ କିଛି ବି ହାସଲ କରିବା ଆପଣଙ୍କ ପାଇଁ ସମ୍ଭବ । ଏକଥା ଆମେ କହୁନୁ ଏକଥା କରି ଦେଖାଇଛନ୍ତି ବିହାର କନେଷ୍ଟବଳ ପୋଷ୍ଟରେ ଚାକିରି କରୁଥିବା ଜଣେ ମହିଳା । ଏବେ ସୋସିଆଲ ମିଡିଆରେ ବିହାରର ମହିଳା କନେଷ୍ଟବଳ ବବଲୀଙ୍କ ସଂଘର୍ଷର କାହାଣୀ ବେଶ୍ ଭାଇରାଲ ହେବାରେ ଲାଗିଛି । କନେଷ୍ଟବଳ ବବଲୀ ଏବେ ଡିଏସପି ହେବାକୁ ଯାଉଛନ୍ତି । କନେଷ୍ଟବଳ ଚାକିରି ଭିତରେ ବବଲି ବିପିଏସସି ପରୀକ୍ଷା ଦେଇ ତୃତୀୟ ପ୍ରଚେଷ୍ଟାରେ ଚୟନ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବବଲୀ ଜଣେ ବିବାହିତା ମହିଳା ଓ ତାଙ୍କର ଏକ ୭ ମାସର ପିଲା ବି ରହିଛି । ଥରେ ଭାବନ୍ତୁ ତ ସାଧାରଣ ମହିଳାମାନେ ସାମାନ୍ୟ ଘରକାମ କରି ଥକିପଡୁଥିବା ବେଳେ ବବଲୀ ଏକା ସାଂଗରେ ଚାକିରି କରୁଛନ୍ତି, ଘର ସହ କୁନି ପିଲାକୁ ସମ୍ଭାଳୁଛନ୍ତି ଓ ତାହା ସହ ବିପିଏସସି ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ । ଏହାକୁ ହିଁ କହନ୍ତି ଦୃଢ ସଂକଳ୍ପ । ଏଭଳି ଦୃଢ ସଂକଳ୍ପ ଓ ସ୍ଥିର ଲକ୍ଷ୍ୟ ଆଗରେ ସବୁ ହାର ମାନିଛି ଓ ବବଲୀ ବିପିଏସସି ପରୀକ୍ଷାରେ ଉର୍ତ୍ତୀର୍ଣ୍ଣ ହୋଇଛନ୍ତି ।
ବବଲିଙ୍କ ଶିକ୍ଷାଗତ ଯୋଗ୍ୟତା କଥା କହିଲେ ସେ ସାଧାରଣ ଭାବେ ବିଏ ପାସ କରିଛନ୍ତି । ସେ ୨୦୧୫ ମସିହାରେ ପୋଲିସରେ କନେଷ୍ଟବଳ ଭାବେ ନିଯୁକ୍ତି ପାଇଥିଲେ । ସେ ବେଗୁସରାଇ ଜିଲ୍ଲାର ପୋଲିସ୍ ଲାଇନରେ କାର୍ଯ୍ୟରତ ଥିଲେ । ହେଲେ ବିପିଏସସି ପରୀକ୍ଷାରେ କୃତକାର୍ଯ୍ୟ ହେବା ପରେ ଏବେ ସେ ଡିଏସପି ଟ୍ରେନିଂ ପାଇଁ ଯିବାକୁ ପ୍ରସ୍ତୁତ ହେଉଛନ୍ତି । ବବଲୀଙ୍କ ଏଭଳି ସଫଳତାରେ ଖୁସି ହୋଇ ବେଗୁସରାଇ ଡିଏସପି ଯୋଗେନ୍ଦ୍ର କୁମାର ତାଙ୍କୁ ସମ୍ମାନୀତ କରିଛନ୍ତି ।
बबली कुमारी..
वर्ष 2015 में बिहार पुलिस में बतौर कांस्टेबल खगड़िया में जॉइन किया। वर्तमान में बेगूसराय में तैनात थीं। अपने कर्तव्य निर्वहन के साथ परिवार संभाला, पढ़ाई निरंतर जारी रखी।
कठिन परिश्रम और चुनौतियों का सामना कर BPSC परीक्षा उत्तीर्ण की और Dy. SP बन गईं।
बधाई💐#Bihar pic.twitter.com/xD0p03GWfg— SACHIN KAUSHIK (@upcopsachin) August 26, 2022
ବବଲୀ ତାଙ୍କ ସଂଘର୍ଷର କାହାଣୀ ବଖାଣିବା ବେଳେ କହିଛନ୍ତି କି ତାଙ୍କ ପରିବାରର ଅର୍ଥିକ ସ୍ଥିତି ଭଲ ନୁହେଁ । ପରିବାରର ଆଥିର୍କ ସ୍ଥିତି ସୂଧାରୀବାକୁ ସେ ୨୦୧୫ ମସିହାରେ କନେଷ୍ଟବଳ ଭାବେ ଯୋଗ ଦେଇଥିବାକ କଥା କହିଛନ୍ତି । ହେଲେ ପଢିବା ଓ ବଡ ପଦପଦବୀରେ ଚାକିରି କରିବାର ନିଶା ତାଙ୍କ ମୁଣ୍ଡକୁ ଭାରାକ୍ରାନ୍ତ କରି ରଖିଥିଲା । ଏହାପରେ ସେ ପାଟନା ଯାଇ ପଢାପଢି କଲେ ଓ ଶେଷରେ ବିପିଏସସି ଭଳି କଠିନ ପରୀକ୍ଷାରେ କୃତକାର୍ଯ୍ୟ ହେଲେ ।