ବମ୍ବେ ହାଇକୋର୍ଟଙ୍କ ଆଉ ଏକ ବିବାଦୀୟ ଟିପ୍ପଣୀ : କହିଲେ, ଓଠରେ ଚୁମ୍ବନ ନୁହେଁ ଅପ୍ରାକୃତିକ ସମ୍ପର୍କ; ପ୍ରେମର ସହ ସ୍ପର୍ଶ କରିବାକୁ କୁହାଯିବନି ଉତ୍ପୀଡ଼ନ
କନକ ବ୍ୟୁରୋ : ଓଠରେ ଚୁମ୍ବନ ଅପ୍ରାକୃତିକ ଶାରୀରିକ ସମ୍ପର୍କ ନୁହେଁ । ଏକ ମାମଲାର ଶୁଣାଣି କରିବା ବେଳେ ବମ୍ବେ ହାଇକୋର୍ଟ ଏପରି ଟିପ୍ପଣୀ ରଖିଛନ୍ତି । ଏଥିସହ ଏହି ମାମଲାରେ ପୋକ୍ସୋ ଆକ୍ଟରେ ଗିରଫ ଅଭିଯୁକ୍ତଙ୍କୁ ଜାମିନ୍ ପ୍ରଦାନ କରିଛନ୍ତି ହାଇକୋର୍ଟ । ଭାରତୀୟ ଦଣ୍ଡ ସିଂହିତା ଧାରା ୩୭୭ ଅନୁଯାୟୀ ଏହା ଅପରାଧ ନୁହେଁ ବୋଲି କୋର୍ଟ ରାୟ ଶୁଣାଣି କରି କହିଛନ୍ତି । ଜାମିନ ପାଇଥିବା ବ୍ୟକ୍ତି ଜଣଙ୍କ ଜଣେ ନାବାଳକର ଓଠରେ ଚୁମ୍ବନ ଦେବା ସହ ସମ୍ବେଦନଶୀଳ ଅଙ୍ଗକୁ ସ୍ପର୍ଶ କରିବା ଅଭିଯୋଗ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ନାବାଳକଙ୍କ ବାପାଙ୍କ ଅଭିଯୋଗ ମୁତାବକ ଦିନେ ତାଙ୍କ ଆଲମାରୀରୁ ଟଙ୍କା ଚୋରି ହେବା ପରେ ସେ ଜାଣିବାକୁ ପାଇଥିଲେ ଯେ ତାଙ୍କ ପୁଅ ଅନଲାଇନ ଗେମ୍ ଓଲା ପାର୍ଟି ଖେଳିବା ପାଇଁ ଏହି ଟଙ୍କା ନେଉଛି । ଘର ପାଖରେ ଥିବା ଏକ ଦୋକାନକୁ ଯାଇ ପୁଅ ଏଥି ନିମନ୍ତେ ରିଚାର୍ଜ କରୁଥିଲେ । ତେବେ ପୁଅ ଦୋକାନକୁ ରିଚାର୍ଜ କରିବାକୁ ଯାଇଥିବା ବେଳେ ସେ ପିଛା କରିଥିଲେ । ହେଲେ ଦୋକାନୀ ଜଣଙ୍କ ତାଙ୍କ ପୁଅର ଓଠକୁ ଚୁମ୍ବନ ଦେବା ସହିତ ସମ୍ବେଦନଶୀଳ ଅଙ୍ଗରେ ସ୍ପର୍ଶ କରୁଥିଲେ ବୋଲି ଦେଖିଥିଲେ ।
ଏହାପରେ ସେ ଅଭିଯୋଗ କରିଥିଲେ । ପରେ ପୋଲିସ ସଂପୃକ୍ତ ଦୋକାନୀଙ୍କୁ ପୋକ୍ସ ଆକ୍ଟରେ ଗିରଫ କରିଥିଲେ । ସଂପୃକ୍ତ ଅଭିଯୁକ୍ତଙ୍କ ଉପରେ ଧାରା ୩୭୭, ୩୮୪ ଏବଂ ୪୨୦ ଅଧୀନରେ ମାମଲା ଦାୟର ହୋଇଥିଲା । ଏହାପରେ ପାଖାପାଖି ବର୍ଷେ ଯାଏ ତାଙ୍କୁ ନ୍ୟାୟିକ ହେପାଜତରେ ରଖାଯାଇଥିଲା । ପରେ ଅଭିଯୁକ୍ତ ଜଣଙ୍କ ଜାମିନ୍ ପାଇଁ ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।
ପୂର୍ବରୁ ମଧ୍ୟ ଏହିଭଳି ଏକ ବିବାଦୀୟ ମନ୍ତବ୍ୟ ଦେଇଥିଲେ ବିଚାରପତି ଜଷ୍ଟିସ୍ ଗନେଡିୱାଲା । କହିଥିଲେ, ଯଦି ଅଭିଯୁକ୍ତ ଏବଂ ପୀଡିତଙ୍କ ମଧ୍ୟରେ ସିଧାସଳଖ ଶାରିରୀକ ସମ୍ପର୍କ ନାହିଁ କିମ୍ବା ସ୍କିନ ଟୁ ସ୍କିନ ଟଚ୍ ହୋଇନାହିଁ ତେବେ ପକସୋ ଧାରା ୭ ଅନୁଯାୟୀ ଏହାକୁ ଯୌନ ଉତ୍ପୀଡନ ବୋଲି କୁହାଯାଇପାରିବ ନାହିଁ । ସେତେବେଳେ ବମ୍ବେ ହାଇକୋର୍ଟଙ୍କ ଏଭଳି ଟିପ୍ପଣୀକୁ ଦେଶବ୍ୟାପୀ ବିରୋଧ କରାଯାଇଥିଲା ।