କ୍ୟାମେରା ଦେଖିଲା ଅପହରଣର ଦୃଶ୍ୟ । ଦିନ ଦ୍ୱିପହରରେ ଜଣେ ଫାଇନାନ୍ସ କର୍ମଚାରୀଙ୍କୁ ଉଠାଇ ନେବାକୁ ଉଦ୍ୟମ କରିଥିଲେ ଦୁର୍ବୃତ୍ତ
କନକ ବ୍ୟୁରୋ: ସିସିଟିଭିରେ କଏଦ ହେଲା ଅପହରଣ ଉଦ୍ୟମ ବେଳର ଚିତ୍ର । ଦିନ ଦିପହରରେ ଜଣେ ଫାଇନାନ୍ସ କର୍ମଚାରୀଙ୍କୁ ଉଠାଇ ନେବାକୁ ଉଦ୍ୟମ କରୁଛନ୍ତି କିଛି ଦୁର୍ବୃତ୍ତ । ଯାଜପୁର ଜିଲ୍ଲା ଧର୍ମଶାଳା ଜାରକା ବଜାରରେ ଏଭଳି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତେଜ୍ ହୋଣ୍ଡା ବାଇକ୍ ସୋରୁମରେ ଫାଇନାନ୍ସ କର୍ମଚାରୀ ଅରବିନ୍ଦ ଷଢଙ୍ଗୀ ୨୦ ତାରିଖ ଅପରାହ୍ନ ୪ଟାରେ ସୋରୁମ ବାହାରେ ମୋବାଇଲରେ କଥା ହେଉଥିଲେ । ହଠାତ୍ ଏକ ନାଲିରଙ୍ଗର କାରରୁ ୪-୫ଜଣ ଓହ୍ଲାଇ ତାଙ୍କୁ ଅପହରଣ ଉଦ୍ୟମ କରିଥିଲେ ।
ତେବେ ଅରବିନ୍ଦ ସେମାନଙ୍କ କବଳରୁ କୌଶଳକ୍ରମେ ଖସିଆସି ଧର୍ମଶାଳା ଥାନାରେ ଏତଲା ଦେଇଥିଲେ । ଅରବିନ୍ଦ ଜଣେ ଭଲ ଫାଇନାନ୍ସର ଭାବେ ଅଧିକ ଗାଡି ବିକ୍ରୀ କରାଉଥିବାରୁ ତାଙ୍କ ଉପରେ ରାଗରଖି ଅପହରଣ କରାଯାଉଥିଲା ବୋଲି ପୋଲିସ କହିଛି ।