କଟକ : ଚିଠି ଆସିବାର ୨ ବର୍ଷ ପରେ ବି ଘର ଖଣ୍ଡିଏ ପାଇଁ ନାହାନ୍ତି ଦିବ୍ୟାଙ୍ଗ ସନାତନ
କନକ ବ୍ୟୁରୋ : ଦିବ୍ୟାଙ୍ଗଙ୍କ ପାଇଁ ସରକାରଙ୍କ ଅନେକ ଯୋଜନା । ହେଲେ ଏହାର ସୁଫଳ ପାଉନାହାନ୍ତି ସବୁ ଦିବ୍ୟାଙ୍ଗ । ଏପରି ଘଟିଛି କଟକ ଜିଲ୍ଲା କଂଟାପଡା ବ୍ଲକ ନୂଆଗାଁର ଦିବ୍ୟାଙ୍ଗ ସନାତନ ଦଳେଇଙ୍କ କ୍ଷେତ୍ରରେ । ଗତ ୨୦୧୫ ମସିହାରେ ମୁଖ୍ୟମନ୍ତ୍ରଙ୍କ ଗ୍ରୀଭାନ୍ସରୁ ସନାତନଙ୍କୁ ଏକ ଘର ଦେବା ପାଇଁ କଂଟାପଡା ବ୍ଲକକୁ ଚିଠି ଆସିଛି । ଏହାରି ଭିତରେ ଚିଠି ଆସିବାର ୨ ବର୍ଷ ବିତିଯାଇଛି । ହେଲେ ଘର ପାଇ ନାହାନ୍ତି ସନାତନ ।
Kanak News is now on WhatsApp
Join and get latest news updates delivered to you via WhatsApp
ଘର ଖଣ୍ଡିଏ ପାଇଁ ଦିବ୍ୟାଙ୍ଗ ସନାତନ ବାରମ୍ବାର ପ୍ରଶାସନିକ ଅଧିକାରୀଙ୍କୁ ଗୁହାରୀ କରୁଥିଲେ ବି କେହି ଶୁଣୁ ନାହାନ୍ତି । ଏବେ ଚାଳଛପର ଘରେ ବହୁ କଷ୍ଟରେ ରହୁଛନ୍ତି ସନାତନଙ୍କ ପରିବାର । ଏନେଇ ନୂଆଗାଁ ପଂଚାୟତର ସରପଂଚଙ୍କୁ ପଚାରିବାରୁ ସେ କହିଛନ୍ତି ଭିନ୍ନକ୍ଷମ ସନାତନ ଇନ୍ଦିରାଆବାସ ଘର ପାଇବାକୁ ହକଦାର । ହେଲେ ସେ କାହିଁକି ଘର କରପାରିନାହାନ୍ତି ଏନେଇ ସରପଂଚ କିଛି କହିପାରିନାହାନ୍ତି । ଅନ୍ୟପଟେ ସନାତନଙ୍କ ପ୍ରସଙ୍ଗରେ ପ୍ରଶାସନିକ ଅଧିକାରୀ ମଧ୍ୟ କିଛି ସନ୍ତୋଷଜନକ ଉତ୍ତର ଦେଇପାରିନାହାନ୍ତି ।