ଝାଡଖଣ୍ଡରେ ବ୍ରାଣ୍ଡ ମୋଦିର ଆଜି ବଡ ଅଗ୍ନିପରୀକ୍ଷା : ବିଧାନସଭା ଭୋଟ ଗଣତିରେ ବହୁମତ ଆଡକୁ ଜେଏମଏମ –କଂଗ୍ରେସ-ଆରଜେଡ଼ି ମେଂଟ, ପଛରେ ପଡିଲା ବିଜେପି
କନକ ବ୍ୟୁରୋ : ଝାଡ଼ଖଣ୍ଡର ନିର୍ବାଚନୀ ଫଳାଫଳ ନେଇ ଆକଳନ ଆରମ୍ଭ ହୋଇଯାଇଛି । ଆଦିବାସୀବହୁଳ ରାଜ୍ୟରେ କିଏ ପିନ୍ଧିବ ବିଜୟ ଟୀକା । କିଛି ସମୟ ପରେ ସ୍ପଷ୍ଟ ହୋଇଯିବ ଚିତ୍ର । ଝାଡ଼ଖଣ୍ଡ ବିଧାନସଭା ନିର୍ବାଚନର ମତଗଣନା ସୋମବାର ସକାଳୁ ଆରମ୍ଭ ହୋଇଛି। ବିଧାନସଭା ଭୋଟ ଗଣତିରେ ବହୁମତ ଆଡକୁ ବଢ଼ୁଛି କଂଗ୍ରେସ- ଜେଏମ୍ଏମ୍- ଆରଜେଡି ମେଂଟ । ବର୍ତ୍ତମାନ ଚାଲିଥିବା ଟ୍ରେଣ୍ଡକୁ ଦେଖିଲେ ଜଣାପଡ଼ୁଛି ବିଜେପି ଶାସିତ ଝାଡ଼ଖଣ୍ଡ ମଧ୍ୟ ବିଜେପି ହାତରୁ ଚାଲିଯାଇପାରେ ।
Kanak News is now on WhatsApp
Join and get latest news updates delivered to you via WhatsApp
୮୧ ସିଟ୍ ବିଶିଷ୍ଟ ବିଧାନସଭା ପାଇଁ ନଭେମ୍ବର ୩୦ରୁ ଡିସେମ୍ବର ୨୦ ମଧ୍ୟରେ ୫ଟି ପର୍ୟ୍ୟାୟରେ ମତଦାନ ହୋଇଛି । ମ୍ୟାଜିକ୍ ନମ୍ବର ୪୨ ହୋଇଥିବା ବେଳେ ମେଣ୍ଟ ସରକାର ଗଠନକୁ ନେଇ ଏବେଠାରୁ ଆଲୋଚନା ଆରମ୍ଭ ହୋଇଗଲାଣି । ଏମିତି ହେଲେ ମହାରାଷ୍ଟ୍ର, ଛତିଶଗଡ଼, ରାଜସ୍ଥାନ, ମଧ୍ୟପ୍ରଦେଶ ତାଲିକାରେ ଝାଡ଼ଖଣ୍ଡ ମଧ୍ୟ ସାମିଲ ହୋଇଯିବ ।
ସୂଚନାଯୋଗ୍ୟ ଏକଜିଟ ପୋଲରେ ଝାଡଖଣ୍ଡରେ ବିଜେପି ହାରିପାରେ ବୋଲି ଆକଳନ କରାଯାଇଛି । ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା ଫଳାଫଳ କହୁଛି, ୮୧ ଆସନ ବିଶିଷ୍ଟ ଝାଡ଼ଖଣ୍ଡ ବିଧାନସଭାରେ ଏଥର କଂଗ୍ରେସ- ଜେଏମ୍ଏମ୍- ଆରଜେଡି ଏଥର ସଂଖ୍ୟା ଗରିଷ୍ଠତା ହାସଲ କରି ରାଜ୍ୟରେ ନୂଆ ସରକାର ଗଢ଼ିବେ।