୩ ବର୍ଷ ନୌସେନାରେ ଚାକିରି, ହାତ ତିଆରି ବନ୍ଧୁକରେ ମାରିଲା ଗୁଳି । ଜାଣନ୍ତୁ ଶିଞ୍ଜୋ ଆବେଙ୍କୁ ଗୁଳି ମାରିଥିବା ଅଭିଯୁକ୍ତ ବାବଦରେ
କନକ ବ୍ୟୁରୋ : ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କୁ ଗୁଳି କରିଥିବା ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯାଇଛି । ଗିରଫ ହୋଇଥିବା ଅଭିଯୁକ୍ତ ଜଣଙ୍କ ଜଣେ ପୂର୍ବତନ ସେନା ଅଧିକାରୀ । ସେ ନୌସେନାରେ ୩ ବର୍ଷ କାର୍ଯ୍ୟ କରି ଅବସର ନେଇଛନ୍ତି । ଟେଟସୁୟୋ ୟମାଗାମୀ ନାମକ ଏହି ଅଭିଯୁକ୍ତ ଜଣଙ୍କ ଶିଞ୍ଜୋ ଆବେଙ୍କୁ ଗୁଳି କରିବାକୁ ପୂର୍ବରୁ ଯୋଜନା କରିଥିଲା । ଏହି ଗୁଳିକାଣ୍ଡରେ ଅଭିଯୁକ୍ତ ଜଣଙ୍କ ଏକ ହାତ ତିଆରି ବନ୍ଧୁକ ବ୍ୟବହାର କରିଥିବା କଥା ପ୍ରାଥମିକ ତଦନ୍ତରୁ ପୋଲିସ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଶିଞ୍ଜୋ ଆବେ ନାରା ସହରରେ ଏକ ଜନସଭାକୁ ଉଦବୋଧନ ଦେଉଥିବା ବେଳେ ୟମାଗାମୀ ହଠାତ ତାଙ୍କ ଉପରକୁ ଗୁଳି ଚଳାଇଥିଲେ । ଏହାପରେ ଶିଞ୍ଜୋ ଆବେ ସେହିଠାରେ ଟଳିପଡିଥିଲେ ଓ ତାଙ୍କ ଛାତିରୁ ରକ୍ତ ବହୁଥିବାର ଦେଖିବାକୁ ମିଳିଥିଲା ।
ଜାପାନୀ ସମାଚାର ଏଜେନ୍ସି ଏନଏଚକେର ସୂଚନା ମୁତାବକ ୟାମାଗାମୀ ୨୦୦୫ ପର୍ଯ୍ୟନ୍ତ ଜାପାନ ନୌସେନାରେ ଚାକିରି କରୁଥିଲେ । ହେଲେ ସେ ୨୦୦୫ ପରେ କାହିଁକି ଶିଞ୍ଜୋ ଆବେଙ୍କୁ ବିରୋଧ କରୁଥିଲେ ତାହା ସ୍ପଷ୍ଟ ହୋଇ ନାହିଁ । ହେଲେ ଗୁଳିମାରିବା ପରେ ତୁରନ୍ତ ସେଠାରେ ଥିବା ସୁରକ୍ଷା କର୍ମୀମାନେ ତାଙ୍କୁ କାବୁ କରି ନେଇଥିଲେ । ଏବେ ତାଙ୍କୁ ହାଜତକୁ ନେଇ ହତ୍ୟା ପଛର କାରଣ ଖୋଜୁଛି ଜାପାନ ପୋଲିସ ।