ଚାନ୍ଦକୁ ବୁଲେଟ୍ ଟ୍ରେନ ଗଡାଇବାକୁ ପ୍ରସ୍ତୁତି! କେଉଁ ଦେଶ କରୁଛି ପ୍ରସ୍ତୁତି ପଢନ୍ତୁ …
କନକ ବ୍ୟୁରୋ: ଜାପାନ ନିଜର ଜ୍ଞାନକୌଶଳ ବଳରେ ଏଭଳି କାମ କରିବାକୁ ଯାଉଛି ଯାହା ସମସ୍ତଙ୍କ କଲ୍ପନାର ବାହାରେ । ଜାପାନ ଆଗାମୀ ଦିନରେ ଯୋଜନା କରିଛି ଯେ, କେଉଁଭଳି ପୃଥିବୀ ପୃଷ୍ଠରୁ ଚନ୍ଦ୍ର ପର୍ଯ୍ୟନ୍ତ ବୁଲେଟ୍ ଟ୍ରେନ ଚଲାଯିବ । କେବଳ ଏତିକି ନୁହେଁ ଯଦି ଏଥିରେ ଜାପାନ ସଫଳତା ହାସଲ କରିବ ତେବେ ମଙ୍ଗଳ ଗ୍ରହକୁ ମଧ୍ୟ ବୁଲେଟ୍ ଟ୍ରେନ୍ ଚଲାଇବାକୁ ପ୍ରସ୍ତୁତି ଆରମ୍ଭ ହେବ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ଯେଉଁଠାରେ ଆମେରିକା ପୁଣିଥରେ ଚନ୍ଦ୍ରକୁ ଯିବା ପାଇଁ, ଚୀନ ମଙ୍ଗଳ ଗ୍ରହରେ ଜୀବସତ୍ତା ଖୋଜିବାକୁ ଚିନ୍ତା କରୁଛି ସେଠି ଜାପାନ ବର୍ତ୍ତମାନ ବୁଲେଟ ଟ୍ରେନ ଚଲାଇବାକୁ ଲକ୍ଷ୍ୟ ରଖିଛି । କେବଳ ଏତିକି ନୁହେଁ ଚୀନ ସହ ଋଷ ମିଳିତ ମିଶନ ପ୍ରସ୍ତୁତି କରୁଥିବା ବେଳେ ଜାପାନ ଏଭଳି ଚିନ୍ତା କରିବା ସହ ପ୍ରସ୍ତୁତି କରୁଛି ।
ଅର୍ନ୍ତଜାତୀୟ ଖବର ମୁତାବକ, ଜାପାନ ମଙ୍ଗଳ ଗ୍ରହରେ ଗ୍ଲାସ ହେବିଟାଟ୍ ନିର୍ମାଣ ପାଇଁ ପ୍ରସ୍ତୁତି କରିଛି । ଗ୍ଲାସ ହାବିଟାଟ୍ ଅର୍ଥାତ ଜଣେ ମଣିଷ ଗୋଟିଏ ଆର୍ଟିଫିସିଆଲ ହାବିଟଟ୍ରେ ରହିବ, ଯାହାର ବାତାବରଣ ପୃଥିବୀ ଭଳି ହୋଇଥିବ । ସାଧାରଣତଃ କମ ମାଧ୍ୟକର୍ଷଣ ଥିବା ସ୍ଥାନରେ ମାଂସପେଶୀ ଏବଂ ହାଡ କମଜୋର ହୋଇଯାଇଥାଏ । ଏଥିପାଇଁ ଆର୍ଟିଫିସିଆଲ ସ୍ପେସ ହେବିଟାଟ୍ ଏଭଳି ତିଆରି ହେବ ଯେଉଁଠାରେ ଏତେ ମାଧ୍ୟାକର୍ଷଣ ଏବଂ ଏଭଳି ବାୟୁମଣ୍ଡଳ ହେବ ଯେଉଁଠାରେ ମଣିଷର ମାଂସପେଶୀ ଏବଂ ହାଡ କମଜୋର ହେବ ।
ଜାପାନ ଯଦି ଏହି ଯୋଜନାରେ ଯଦି ସଫଳ ହୁଏ ତେବେ ମଣିଷ ପାଇଁ ଆଉ ଏକ ଗ୍ରହରେ ରହିବା ପାଇଁ ବାଟ ଖୋଲିଯିବ । ସୂଚନା ଅନୁସାରେ, ଗ୍ଲାସ ହାବିଟାଟର ବାହାରର ଜୀବନ ଲୋକଙ୍କ ପାଇଁ କଷ୍ଟ । ଏହାଠାରୁ ବାହାରକୁ ଯିବା ପାଇଁ ଲୋକଙ୍କୁ ସ୍ପେସସୁଟ୍ ପିନ୍ଧିବାକୁ ପଡିବ । ମଙ୍ଗଳ ଗ୍ରହରେ ଜୀବନଯାପନର କଳ୍ପନା କରିବା ବର୍ତ୍ତମାନ କଠିନ । ବୈଜ୍ଞାନିକଙ୍କ କହିବା କଥା ଏକବିଂଶ ଶତାବ୍ଦୀର ଦ୍ୱିତୀୟ ପଟେ ମଣିଷ ଚନ୍ଦ୍ର ଏବଂ ମଙ୍ଗଳ ଗ୍ରହରେ ରହିବା ପାଇଁ ସକ୍ଷମ ହେବେ । ୨୦୫୦ ପର୍ଯ୍ୟନ୍ତ ଏହାର ପ୍ରଟୋଟାଇପ ନିର୍ମାଣ ହେବା ସହ ପୂର୍ଣ୍ଣ ରୂପ ପାଇବା ପାଇଁ ଆଉ ଏକ ଶତାବ୍ଦୀ ସମୟ ଲାଗିପାରେ ।
କ୍ୱୋଟୋ ବିଶ୍ୱବିଦ୍ୟାଳୟ ଏବଂ କାଜିମା କନଷ୍ଟ୍ରକସନ ମିଳିତ ଭାବେ ସ୍ପେସ୍ ଏକ୍ସପ୍ରେସ୍ ନାମରେ ବୁଲେଟ ଟ୍ରେନ ଉପରେ କାମ ଜାରିରଖିଛନ୍ତି । ଏହି ଟ୍ରେନ ପୃଥିବୀରୁ ଚନ୍ଦ୍ର ଏବଂ ମଙ୍ଗଳକୁ ଚାଲିବ । ଏହା ଇଣ୍ଟରପ୍ଲାନେଟୋରୀ ଟ୍ରାନସପୋର୍ଟଟେସନ ସିଷ୍ଟମ, ଯାହାକୁ ହେକ୍ସାଟ୍ରେକ ନାମରେ ଜଣାଯାଇଛି ।