ବାପ ମା’ ନା ରାକ୍ଷାସ ! ନବଜାତ ଶିଶୁପୁତ୍ରକୁ ଫିଙ୍ଗିଦେଲେ ଗଛମୂଳେ
କନକ ବ୍ୟୁରୋ : ଅଲୋଡ଼ା ହେଲା ନବଜାତକ । ଶିଶୁପୁତ୍ରକୁ ଗଛମୁଳେ ଛାଡ଼ିଦେଇ ଚାଲିଗଲେ ବାପ ମା’ । ଏଭଳି ଦୃଶ୍ୟ ଦେଖିବାକୁ ମିଳଛି କୋରାପୁଟ ଜିଲ୍ଳା ଜୟପୁରର ଜୟନଗରରେ । ଗଛମୂଳରୁ ଉଦ୍ଧାର ହୋଇଛି ନବଜାତକ । ଶିଶୁପତ୍ରଟି ଗଛମୂଳେ ପଡିଥିବା ଦେଖି ପୁଲିସକୁ ଖବର ଦେଇଥିଲେ ସ୍ଥାନୀୟ ଲୋକ । ଘଟଣାସ୍ଥଳରୁ ନବଜାତକଙ୍କୁ ଉଦ୍ଧାର କରି ଜୟପୁର ଡ଼ାକ୍ତରଖାନା ଶିଶୁ ସୁରକ୍ଷା ବିଭାଗକୁ ହସ୍ତାନ୍ତର କରିଛି ପୁଲିସ୍ । ତେବେ ଶିଶୁଟିର ସ୍ୱା୍ସ୍ଥ୍ୟବସ୍ଥା ଠିକ୍ ଥିବା ବେଳେ ତାର ଅଧିକ ଚିକିତ୍ସା ପାଇଁ କୋରପୁଟ ମେଡ଼ିକାଲକୁ ପଠାଯିବ ବୋଲି କହିଛନ୍ତି ଚିକିତ୍ସାଧିକାରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ନବଜାତକଟି ସମ୍ପୂର୍ଣ୍ଣ ସୁସ୍ଥ ହେବା ପରେ ତାକୁ, ମାସେ ଯାଏଁ ଶିଶୁ ସୁରକ୍ଷା ବିଭାଗ କୋରପୁଟରେ ରଖାଯିବ । ପରେ ଶିଶୁକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବା ପାଇଁ, ଆବେଦନକାରୀ ଅନଲାଇନରେ ଆବେଦନ କରିପାରିବେ ବୋଲି କହିଛନ୍ତି ଶିଶୁ ସୁରକ୍ଷା ଅଧିକାରୀ ।