କନକ ବ୍ୟୁରୋ: ଟିଏମସି ସାଂସଦ ମହୁଆ ମୋଇତ୍ରା ଓ ଲାଞ୍ଚ ନେଇ ସଂସଦରେ ପ୍ରଶ୍ନ ପଚାରିବା ବିବାଦରେ ଘେରି ହୋଇଛନ୍ତି । ଏଭଳି ସ୍ଥିତିରେ ମହୁଆ ଓ ତାଙ୍କ ବନ୍ଧୁ ତଥା ସୁପ୍ରିମ କୋର୍ଟ ଓକିଲ ଜୟ ଅନନ୍ତ ଦେହାଦ୍ରାହୀଙ୍କ ମଧ୍ୟରେ ପୋଷା କୁକୁରକୁ ନେଇ ବିବାଦ ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟ ଓକିଲ ଜୟ ଅନନ୍ତ ଦେହାଦ୍ରାହୀ ଅଭିଯୋଗ କରିଛନ୍ତି ଯେ, ହେନେରୀ ବଦଳରେ ମହୁଆ ମୋଇତ୍ରାଙ୍କ ପ୍ରଶ୍ନ ପଚାରିବା ପ୍ରସଙ୍ଗରେ ସିବିଆଇକୁ ଦିଆଯାଇଥିବା ଅଭିଯୋଗ ଓ ବିଜେପି ସାଂସଦ ନିଶିକାନ୍ତ ଦୁବେଙ୍କୁ ଲେଖାଯାଇଥିବା ଚିଠିକୁ ଫେରାଇଆଣିବାକୁ ଚାପ ପଡୁଛି । ହେଲେ ସେ ଏଥିପାଇଁ ସ୍ପଷ୍ଟ ମନା କରିଦେଇଛନ୍ତି । ଏକଥା ଜୟ ଅନନ୍ତ ଟ୍ୱିଟ୍ କରି ଲେଖିଛନ୍ତି ।
ହେନରୀ କିଏ?
ହେନରୀ ହେଉଛି ଜୟ ଅନନ୍ତଙ୍କର ପୋଷା କୁକୁର, ଯାହାକୁ ମହୁଆ ମୋଇତ୍ରା ନିଜ ପାଖରେ ରଖିଛନ୍ତି । ଏହାକୁ ଫେରାଇବାକୁ କ୍ୱେଶ୍ଚିନ୍ ପ୍ରସଙ୍ଗକୁ ଢାଲ କରୁଛନ୍ତି ବୋଲି ଅଭିଯୋଗ କରିଛନ୍ତି ଜୟ ଅନନ୍ତ ।