ଆଇପିଏଲର ହାଇଭୋଲଟେଜ ମ୍ୟାଚ : ରାଜସ୍ଥାନକୁ ହରାଇଲା ମୁମ୍ବାଇ ଇଣ୍ଡିଆନ୍ସ; ଶେଷ ଓଭରରେ ହ୍ୟାଟ୍ରିକ୍ ଛକା ମାରି ଦଳକୁ ବିଜୟୀ କରାଇଲେ ଟିମ ଡେଭିଡ
କନକ ବ୍ୟୁରୋ : ରବିବାର ମୁମ୍ବାଇରେ ଖେଳାଯାଈଥିବା ହାଇଭୋଲଟେଜ ମ୍ୟାଚରେ ରାଜସ୍ତାନ ରୟାଲ୍ସକୁ ହରାଇଛି ମୁମ୍ବାଇ ଇଣ୍ଡିଆନ୍ସ । ରୋମାଞ୍ଚକଭରା ମ୍ୟାଚରେ ରାଜସ୍ଥାନକୁ ୬ ୱିକେଟରେ ହରାଇଛନ୍ତି ମୁମ୍ବାଇ । ଶେଷ ଓଭରରେ ଦଳକୁ ଜିତିବା ପାଇଁ ୧୭ ରନ ଆବଶ୍ୟକ ପଡୁଥିବା ବେଳେ ପ୍ରଥମ ତିନିଟି ବଲରେ ହ୍ୟାଟ୍ରିକ୍ ଛକା ମାରି ମୁମ୍ବାଇକୁ ବିଜୟ କରାଇଥିଲେ ଟିମ୍ ଡେଭିଡ୍ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ବ୍ୟାଟିଂ କରିଥିବା ରାଜସ୍ଥାନ ପକ୍ଷରୁ ଯଶଶୀ ଜୟସ୍ୱାଲଙ୍କ ୬୨ ବଲରୁ ବିସ୍ଫୋରକ ୧୨୪ ରନ ସଂଗ୍ରହ କରିଥିଲେ । ଫଳରେ ରାଜସ୍ଥାନ ୨୧୨ ରନ କରିବାର ସକ୍ଷମ ହୋଇଥିଲା । ମୁମ୍ବାଇ ପ୍ରଥମରୁ ରୋହିତ ଶର୍ମା ହରାଇ ଘାଟାରେ ପଡିଯାଈଥିଲା । ପରେ ସୂର୍ଯ୍ୟକୁମାର ଯାଦବଙ୍କ ବିଷ୍ଫୋରକ ଅର୍ଦ୍ଧଶତକ ଏବଂ କ୍ୟାମେରେନ ଗ୍ରୀନଙ୍କ ଗୁରୁତ୍ୱପୂର୍ଣ୍ଣ ୪୪ ରନ ମୁମ୍ବାଇ ଭଲ ସ୍ମୋର କରିପାରିଥିଲା ।
କିନ୍ତୁ ଶେଷ ଆଡକୁ ୧୪ ବଲରୁୁ ୪୫ ରନ କରି ଦଳକୁ ଜିତାଇଥିଲେ ଟିମ ଡେଭିଡ । ସେହିପରି ଅନ୍ୟ ଏକ ମ୍ୟାଚରେ ହାଇ ସ୍କୋରିଂ ମ୍ୟାଚରେ ଶେଷ ବଲରେ ଚେନ୍ନାଇ ସୁପର କିଙ୍ଗସକୁ ହରାଇଛି ପଞ୍ଜାବ କିଙ୍ଗସ । ପ୍ରଥମେ ବ୍ୟାଟିଂ କରି ଚେନ୍ନାଇ ୨୦୦ ରନ କରିଥିବା ବେଳେ ମ୍ୟାଚ ଜିତିନେଇଥିଲା ପଞ୍ଜାବ ।