ଶକ୍ତି ବଢ଼ାଉଛି ଭାରତ : ଥରହର ଶତ୍ରୁ ଦେଶ, ଭାରତୀୟ ସେନାରେ ସାମିଲ ହେଲା ଇସ୍ରାଏଲୀ ମିସାଇଲ୍
କନକ ବ୍ୟୁରୋ : ଶତ୍ରୁକୁ ସୀମାରେ କଡ଼ା ଜବାବ ଦେବାସହ ଭାରତର ଶକ୍ତି ବଢ଼ାଇବା ଆରମ୍ଭ କରିଦେଇଛି । ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଦ୍ୱାରା ନିର୍ମିତ ଟ୍ୟାଙ୍କକୁ ଧ୍ୱଂସ କରିବା ପାଇଁ ଇସ୍ରାଏଲ ସ୍ପାଇକ ଆଣ୍ଟି-ଟ୍ୟାଙ୍କ ଗାଇଡେଡ ମିସାଇଲକୁ ଭାରତୀୟ ସେନାରେ ସାମିଲ କରାଯାଇଛି । ଏହି ମିସାଇଲକୁ ସୀମିତ ସଂଖ୍ୟାରେ ସେନା ଅସ୍ତ୍ରଶସ୍ତ୍ର ସହ ସାମିଲ କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ତ୍ତମାନ ଅଳ୍ପ କିଛି ସଂଖ୍ୟାରେ ଏପରି ମିସାଇଲ ଭାରତୀୟ ସେନାରେ ସାମିଲ ହୋଇଛି । ପ୍ରତିରକ୍ଷା ଗବେଷଣା ଓ ବିକାଶ ସଂସ୍ଥା (ଡିଆରଡିଓ) ସ୍ୱଦେଶୀ ଜ୍ଞାନ କୌଶଳରେ ଆଣ୍ଟି ଟ୍ୟାଙ୍କ୍ ମିସାଇଲ ନିର୍ମାଣରେ ସଫଳ ହେଲେ ଇସ୍ରାଏଲ ମିସାଇଲର ଆବ୍ୟଶ୍ୟକତା ପଡ଼ିବ ନାହିଁ । ଏବଂ ଏହି ମିଶାଇଲ୍ କିଣିବା ପାଇଁ ଭାରତ ସରକାରଙ୍କୁ ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ ନାହିଁ ।
ଅନ୍ୟପଟେ ସ୍ୱଦେଶୀ ଜ୍ଞାନକୌଶଳରେ ଆଣ୍ଟି ଟ୍ୟାଙ୍କ୍ ମିଶାଇଲ ନିର୍ମାଣ ପରେ ସେଗୁଡ଼ିକୁ ଇଣ୍ଡିଆନ ଇନଫ୍ୟାଣ୍ଟ୍ରିରେ ସାମିଲ କରାଯିବ । ସୂତ୍ର ଅନୁସାରେ ପୂର୍ବରୁ ୨୧୦ ସ୍ପାଇକ ମିସାଇଲ ଓ ୧୦ରୁ ଅଧିକ ଲଂଚର ୧୦ ଦିନ ପୂର୍ବରୁ ଭାରତ ଆସିଛି । ଚଳିତ ବର୍ଷ ଫେବୃୟାରୀ ୨୬ରେ ବାଲାକୋଟ ଏୟାର ଷ୍ଟ୍ରାଇକ ପରେ ଭାରତୀୟ ସେନା ଏହି ସ୍ପାଇକକୁ କିଣିବାକୁ ମଂଜୁରୀ ଦେଇଥିଲା । ତେବେ ସ୍ୱେଦେଶୀ ଜ୍ଞାନକୌଶଳରେ ହେଉ କିମ୍ବା ଇସ୍ରାଏଲୀ ମିଶାଇଲ୍ ହେଉ ଭାରତର ଶକ୍ତି ଦେଖି ଥରହର ହେଉଛନ୍ତି ଶତ୍ରୁ ଦେଶ ।