କନକ ବ୍ୟୁରୋ : ଭାରତ ଓ ଆମେରିକା ସେନା ମଧ୍ୟରେ ଆରମ୍ଭ ହୋଇଛି ୧୫ ଦିନିଆ ସମରାଭ୍ୟାସ । ଚୀନ୍ ସୀମାଠୁ ମାତ୍ର ୧୦୦ କିଲୋମିଟର ଦୂରରେ ଥିବା ଉତରାଖଣ୍ଡର ଓଲିରେ ଦୁଇ ସେନା ମଧ୍ୟରେ ଚାଲିଛି ଏହି ଯୁଦ୍ଧଭ୍ୟାସ । ଆମେରିକା-ଭାରତ ମଧ୍ୟରେ ଏ ହେଉଛି ୧୮ ତମ ମିଳିତ ସମରାଭ୍ୟାସ । ପ୍ରତିବର୍ଷ ଦୁଇ ସେନା ନିଜ ନିଜର ଯବାନଙ୍କ ଦ୍ୱାରା ଶକ୍ତି ପ୍ରଦର୍ଶନ କରିଆସୁଛନ୍ତି । ଏଥର ଆମେରିକା ସେନାର ୧୧ଜଣିଆ ଏୟାରବର୍ନ ଡିଭିଜନର ସେକେଣ୍ଡ ବିଗ୍ରେଡ ସୈନ୍ୟ ଭାରତ ଆସିଛନ୍ତି ସମରାଭ୍ୟାସ ପାଇଁ । ସେହିପରି ଭାରତ ପକ୍ଷରୁ ଆସାମ ରେଜିମେଂଟର ସୈନିକ ଏହି ମିଳିତ ଯୁଦ୍ଧଭ୍ୟାସରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୫ ଦିନ ଧରି ଚାଲିଥିବା ଏହି ଯୁଦ୍ଧଭ୍ୟାସରେ ଅସ୍ତ୍ରଶସ୍ତ୍ର ସହ ଦୁଇ ସେନା ମଧ୍ୟରେ ବିଭିନ୍ନ ପ୍ରକାର ବ୍ୟାୟାମ୍, ପାର୍ବତ୍ୟ ଯୁଦ୍ଧ ଦକ୍ଷତା, ବିପର୍ଯ୍ୟୟ ପରିଚାଳନା,ରେସ୍କ୍ୟୁ ମିଶନ, ଅପରେସନ ଲଜିଷ୍ଟିକ୍ ଆଦି ବିଭିନ୍ନ ଦିଗ ଉପରେ ଶକ୍ତି ପ୍ରଦର୍ଶନ କରାଯାଉଛି । ସାଧାରଣ ଲୋକଙ୍କୁ କିଭଳି ଆତଙ୍କବାଦୀଙ୍କ ଠାରୁ ଉଦ୍ଧାର କରାଯିବ, ଏବଂ ଶତ୍ରୁକୁ କିପରି ମୁକାବିଲା କରାଯିବ ସେନେଇ ପରସ୍ପର ମଧ୍ୟରେ ତାଲିମ୍ ପ୍ରଦର୍ଶିତ ହୋଇଛି ।
ଉତରାଖଣ୍ଡ ଓଲିରେ ମଙ୍ଗଳବାର ସମରାଭ୍ୟାସ ବେଳେ ଭାରତ ନିଜ ନୂଆ ସାଥୀ ଇଗଲ ଅର୍ଜ୍ଜୁନକୁ ପ୍ରଦର୍ଶିତ କରିଛି । ଯୁଦ୍ଧାଭ୍ୟାସ ସମୟରେ ଏହି ଚିଲର ଯୁଦ୍ଧଶୈ÷ଳୀ ଦେଖିବାକୁ ମିଳିଛି । ଏହି ଚିଲ ବିଶେଷ ଭାବେ ଶତ୍ରୁଙ୍କ ଡ୍ରୋନ ଉପରେ ତୀଷ୍ମଣ ନଜର ରଖିବ । ଡ୍ରୋନର ଶବ୍ଦ ଶୁଣିଲେ ସତର୍କ ହୋଇଯିବା ସହ ଆକାଶରେ ଯାଇ ଶତ୍ରୁର ଡ୍ରୋନକୁ ନଷ୍ଟ କରିଦେବ ଏହି ଚିଲ । କ୍ଷିପ୍ର ଗତିରେ ଉଡୁଥିବା ଏହି ପକ୍ଷୀ ପ୍ରତି ଘଂଟାରେ ପାଖାପାଖି ୩୨୦ କିଲୋମିଟର ଯାଏଁ ଗତିକରିବାର କ୍ଷମତା ରହିଛି ।