ପାକ୍ ପ୍ରଧାନମନ୍ତ୍ରୀ ନୱାଜ ସରିଫଙ୍କ ନାଁରେ ସାଘାଂତିକ ଅଭିଯୋଗ ! ଜାମ୍ମୁ-କାଶ୍ମୀରରେ ହିଂସାତ୍ମକ କାର୍ଯ୍ୟକଳାପକୁ ବଢାଇବା ପାଇଁ ଲାଡେନଠାରୁ ନେଇଥିଲେ ଟଙ୍କା
କନକ ବ୍ୟୁରୋ: ଜାମ୍ମୁ-କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପକୁ ବଢାଇବା ପାଇଁ ପାକ୍ ପ୍ରଧାନମନ୍ତ୍ରୀ ନୱାଜ ସରିଫ କୁକ୍ଷାତ ଆତଙ୍କବାଦୀ ଓସାମା ବିନ୍ ଲାଡେନଠାରୁ ମୋଟା ରକମର ଟଙ୍କା ନେଇଥିବାର ଅଭିଯୋଗ ହୋଇଛି । ପାକିସ୍ଥାନୀ ନେତା ଇମରାନ ଖାନଙ୍କ ପାର୍ଟି ତହରିକ-ଏ- ଇନସାଫ ଏନେଇ ଅଭିଯୋଗ କରିଛି ।
Kanak News is now on WhatsApp
Join and get latest news updates delivered to you via WhatsApp
ଦଳ ଅଭିଯୋଗ କରିଛି ଯେ, ଅଲକାଏଦା ମୁଖ୍ୟ ଓସାମା ବିନ୍ ଲାଡେନଠାରୁ ସରିଫ ବିପୁଳ ପରିମାଣର ଟଙ୍କା ନେଇ କାଶ୍ମୀରରେ ଅଶାନ୍ତି ସୃଷ୍ଟି କରୁଥିଲେ । ଏହି ଟଙ୍କା ସେ ତଥାକଥିତ ଜିହାଦୀମାନଙ୍କ ପାଇଁ ଖର୍ଚ କରୁଥିଲେ । କେବଳ କାଶ୍ମୀରରେ ଆତଙ୍କୀ କାର୍ଯ୍ୟକଳାପ ନୁହଁ ବରଂ ପାକିସ୍ଥାନର ପୁର୍ବତନ ପ୍ରଧାନମନ୍ତ୍ରୀ ବେନଜିର ଭୁଟୋଙ୍କ ସରକାର ବିରୋଧରେ ବି ଏହି ଟଙ୍କା ବିନିଯୋଗ ହେଉଥିଲା ।