ପାକିସ୍ତାନ ନ୍ୟାସନାଲ ଆସେମ୍ବ୍ଲିରେ ଆଜି ଅନାସ୍ଥା ପ୍ରସ୍ତାବ ଉପରେ ଭୋଟ : ସରକାର ବଞ୍ଚାଇବାକୁ ଇମ୍ରାନ ଖାନଙ୍କ ପାଖରେ ନାହିଁ ମ୍ୟାଜିକ ଅଙ୍କ, ବିରୋଧୀଙ୍କ ପଲଡା ଭାରି
କନକ ବ୍ୟୁରୋ : ପାକିସ୍ତାନରେ ଇମ୍ରାନ ଖାନ ସରକାର ବଳବତ୍ତର ରହିବ ନା କ୍ଷମତାଚ୍ୟୁତ ହେବ ତାହା ଆଜି ସ୍ପଷ୍ଟ ହୋଇଯିବ । ଆଜି ପାକିସ୍ତାନ ନ୍ୟାସନାଲ ଆସେମ୍ବ୍ଲି ବା ସଂସଦରେ ଅନାସ୍ଥା ପ୍ରସ୍ତାବ ଉପରେ ଭୋଟ ହେବ । ଅର୍ଥାତ୍ ସଂସଦରେ ଇମ୍ରାନ ସରକାରଙ୍କୁ ବହୁମତ ସାବ୍ୟସ୍ତ କରିବାକୁ ପଡିବ । ଦିନ ୧୧ଟାରୁ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହେବ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଇମ୍ରାନଙ୍କ ପାଖରେ ବହୁମତ ପାଇଁ ଆବଶ୍ୟକ ସଂଖ୍ୟା ନଥିବାରୁ ତାଙ୍କ ସରକାର କ୍ଷମତାରୁ ଯିବା ଏକ ପ୍ରକାର ନିଶ୍ଚିତ ବୋଲି ଚର୍ଚ୍ଚା ହେଉଛି । ପାକିସ୍ତାନ ନେସନାଲ ଆସେମ୍ବ୍ଲିରେ ମୋଟ ସାଂସଦଙ୍କ ସଂଖ୍ୟା ୩୪୨ । ତେଣୁ ଫ୍ଲୋର ଟେଷ୍ଟରେ ବହୁମତ ସାବ୍ୟସ୍ତ କରିବାକୁ ହେଲେ ୧୭୨ ସାଂସଦଙ୍କ ସମର୍ଥନ ଇମ୍ରାନ ଖାନଙ୍କୁ ଦରକାର । କିନ୍ତୁ ବର୍ତ୍ତମାନ ସ୍ଥିତିରେ ଇମ୍ରାନଙ୍କୁ କେବଳ ୧୪୨ ସାସଂଦଙ୍କ ସମର୍ଥନ ଥିବା କୁହାଯାଉଛି । ସେପଟେ ୧୯୯ ସାଂସଦଙ୍କ ସଂଖ୍ୟା ବଳ ଥିବା ଦାବି କରୁଛନ୍ତି ବିରୋଧୀ ଦଳ । ତେଣୁ ଚର୍ଚ୍ଚା ହେଉଛି ଏଥର ଆସ୍ଥା ଭୋଟରେ ହାରି ଇମ୍ରାନ ସରକାର କ୍ଷମତାରୁ ଯିବା ଏକ ପ୍ରକାର ନିଶ୍ଚିତ ।
ଆସ୍ଥା ଭୋଟରେ ଇମ୍ରାନ ହାରିବା ପରେ ବିରୋଧୀ ଦଳ ନେତା ଶହବାଜ ସରିଫ ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ହେବେ ବୋଲି ଶୁଣାଯାଉଛି । ଇମ୍ରାନ ଖାନକୁ ଏପରି ସ୍ଥିତିକୁ ଆଣି ଛିଡା କରାଇବା ପଛରେ ରହିଛି ପାକିସ୍ତାନ ସୁପ୍ରିମକୋର୍ଟଙ୍କ ରାୟ । ୫ ଜଣିଆ ଖଣ୍ଡପୀଠ ୫ ଦିନ ଶୁଣାଣି କରିବା ପରେ ସଂସଦ ଭଙ୍ଗ ନିଷ୍ପତିକୁ ଅଣସାମ୍ବିଧାନିକ ଦର୍ଶାଇ, ଉପବାଚସ୍ପତି ଓ ରାଷ୍ଟ୍ରପତିଙ୍କ ନିର୍ଦ୍ଦେଶକୁ ଖାରଜ କରିଥିଲେ । ଏଥିସହ ସଂସଦକୁ ପୁନଃସ୍ଥାପିତ କରି ଅନାସ୍ଥା ପ୍ରସ୍ତାବ ଉପରେ ଭୋଟ କରିବାକୁ ନିର୍ଦ୍ଦେଶ ଦେଇଛନ୍ତି ପାକିସ୍ତାନ ସୁପ୍ରିମକୋର୍ଟ ।