କନକ ବ୍ୟୁରୋ : ଇଣ୍ଡିଆନ ଇନଷ୍ଟିଚ୍ୟୁଟ ଅଫ୍ ଟେକ୍ନୋଲୋଜି ବମ୍ବେର ୮୫ ଜଣ ଛାତ୍ରଛାତ୍ରୀଙ୍କୁ ଏକ କୋଟି ଲେଖାଏଁ ପ୍ୟାକେଜରେ ଚାକିରୀ ମିଳିଛି । ଆଇଆଇଟି ବମ୍ବେର କ୍ୟାମ୍ପସ୍ ପ୍ଲେସମେଣ୍ଟରେ ୮୫ ଜଣ ଛାତ୍ରଛାତ୍ରୀଙ୍କୁ ବାର୍ଷିକ ୧ କୋଟି ଟଙ୍କା ଦରମାରେ ଚାକିରୀ ମିଳିଛି । କ୍ୟାମ୍ପସ ପ୍ଲେସମେଣ୍ଟର ପ୍ରଥମ ପର୍ଯ୍ୟାୟରେ ୧୧୮୮ ଜଣ ଛାତ୍ରଛାତ୍ରୀଙ୍କୁ ସ୍ଥାନ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏଥର କ୍ୟାମ୍ପସରେ ଛାତ୍ରଛାତ୍ରୀଙ୍କୁ ଅଫର ଦେଇଥିବା ପ୍ରମୁଖ କମ୍ପାନୀଗୁଡିକ ମଧ୍ୟରେ ରହିଛି ଅକ୍ସେଞ୍ଜର, ଏୟାରବେସ୍, ଏୟାର ଇଣ୍ଡିଆ, ଆପଲ, ଆର୍ଥର.ଡି. ଲିଟିଲ, ବଜାଜ, ବାର୍କଲେଜ, କୋହେସିଟି, ଡା ଭିଞ୍ଚି, ଡିଏଚଏଲ୍, ଫୁଲଟର୍ନ, ଫ୍ୟୁଚର ଫାଷ୍ଟ, ଜିଇ-ଆଇଟିସି, ଗ୍ଲୋବାଲ ଏନର୍ଜି ଆଣ୍ଡ ଇନବାୟରନ୍ ଓ ଗୁଗଲ । ପ୍ରଥମ ପର୍ଯ୍ୟାୟ ପ୍ଲେସମେଣ୍ଟରେ ୩୮୮ ଟି କମ୍ପାନୀ ୧୩୪୦ ଜଣ ଛାତ୍ରଛାତ୍ରୀଙ୍କୁ ଅଫର ପ୍ରଦାନ କରିଛନ୍ତି । ପ୍ରଥମ ପର୍ଯ୍ୟାୟ ପ୍ଲେସମେଣ୍ଟ ପାଇଁ ୬୦ ପ୍ରତିଶତ ଛାତ୍ରଛାତ୍ରୀ ନାମ ପଞ୍ଜିକରଣ କରିଛନ୍ତି ।
ଆଇଆଇଟି ବମ୍ବେର ଛାତ୍ରଛାତ୍ରୀଙ୍କୁ କେବଳ ଦେଶ ନୁହେଁ ବିଦେଶରୁ ମଧ୍ୟ ଅଫର ଆସିଛି । ଜାପାନ, ତାଇୱାନ, ଦକ୍ଷିଣ କୋରିଆ, ନେଦରଲାଣ୍ଡ, ସିଙ୍ଗାପୁର ଓ ହଂକଂ ଭଳି ଦେଶରୁ ମୋଟ ୬୩ ପ୍ରତିଶତ ଅଫର ମିଳିଛି ।