ଇଣ୍ଡିଆ କି ଉଡାନ୍ କାର୍ଯ୍ୟକ୍ରମର ଶୁଭାରମ୍ଭ କଲା ଗୁଗଲ। ଭାରତର ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ସ୍ୱତନ୍ତ୍ର ପ୍ରସ୍ତୁତି।
କନକ ବ୍ୟୁରୋ: ଭାରତର ସ୍ୱାଧୀନତାର ୭୫ ବର୍ଷ ପୂର୍ତ୍ତିକୁ କିଛି ଖାସ କରିବା ପାଇଁ ଅନେକ ପ୍ରୟାସ ଜାରିରହିଛି । ସେହିଭଳି ଗୁଗୁଲ ମଧ୍ୟ ଗୋଟିଏ ଅଭିନବ ପ୍ରୟାସ ଆରମ୍ଭ କରିଛି । ସ୍ୱାଧୀନତା ସହିତ ଜଡିତ ବିଭିନ୍ନ ଉପଲବ୍ଧିକୁ ସଂଗ୍ରହ ପାଇଁ ଉଦ୍ୟମ ଆରମ୍ଭ ହୋଇଛି । ଏହି କାର୍ଯ୍ୟକ୍ରମର ନାଁ ରଖାଯାଇଛି ଇଣ୍ଡିଆ କି ଉଡାନ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସଂସ୍କୃତି ଏବଂ ପର୍ଯ୍ୟଟନ ମନ୍ତ୍ରୀ ଜି କିଶନ ରେଡ୍ଡୀ ଏବଂ ଗୁଗୁଲ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି । ସାରା ଦେଶରେ ସ୍ୱାଧୀନତାର ୭୫ ବର୍ଷ ପାଳନ ହେଉଛି । ଏହି ଅବସରରେ ସରକାରଙ୍କ ପକ୍ଷରୁ ଜାରି ରହିଥିବା ଆଜାଦୀ କା ଅମୃତ ମହୋତ୍ସବ କାର୍ଯ୍ୟକ୍ରମକୁ ସମର୍ଥନ ଜଣାଇ ଏହି କାର୍ଯ୍ୟକ୍ରମର ଶୁଭାରମ୍ଭ କରିଛି । ସେହିପରି କମ୍ପାନୀ ୨୦୨୨ ପାଇଁ ନିଜର ଲୋକପ୍ରିୟ କାର୍ଯ୍ୟକ୍ରମ ଡୁଡଲ ଫର୍ ଗୁଗଲ ପ୍ରତିଯୋଗିତାର ମଧ୍ୟ ଘୋଷଣା କରିଛି । ଏହାର ଥିମ ରଖାଯାଇଛି, ଅଗଲେ ୨୫ ବର୍ଷ ମୋ ମେରା ଭାରତ ହୋଗା… ଏଥିରେ ପ୍ରଥମରୁ ନେଇ ୧୦ମ ଶ୍ରେଣୀର ଛାତ୍ରଛାତ୍ରୀ ଭାଗ ନେଇ ପାରିବେ ।
କେନ୍ଦ୍ରମନ୍ତ୍ରୀ କହିଛନ୍ତି, ଗୁଗଲ କେନ୍ଦ୍ର ଦ୍ୱାରା ସଂରକ୍ଷିତ ୩ ହଜାରରୁ ଅଧିକ ସ୍ମାରକୀର ଡିଜିଟାଲ ମାନଚିତ୍ର ପ୍ରସ୍ତୁତରେ ସହଯୋଗ କରିପାରିବ । ଏହା ଦ୍ୱାରା ସେ ସବୁକୁ ଅଧିକ ଧ୍ୟାନ ଦିଆଯାଇପାରିବ ।