କନକ ବ୍ୟୁରୋ: ଭାରତୀୟ ଆଥଲେଟ୍ ପ୍ରିୟଙ୍କା ଗୋସ୍ୱାମୀ ରାଜ୍ୟଗୋଷ୍ଠୀ କ୍ରୀଡାରେ ଭାରତ ପାଇଁ ରୌପ୍ୟପଦକ ହାତେଇଛନ୍ତି । ଦଶ ହଜାର କିମି ଚାଲିରେ ଶନିବାର ସେ ଦ୍ୱିତୀୟ ସ୍ଥାନରେ ରହି ପଦକ ଜିତିଛନ୍ତି । ବର୍ମିଙ୍ଘମରେ ଚାଲିଥିବା ରାଜ୍ୟଗୋଷ୍ଠୀ କ୍ରୀଡାର ଟ୍ରାକ ଆଣ୍ଡ ଫିଲ୍ଡ ଭାରତ ବର୍ତ୍ତମାନ ସୁଦ୍ଧା ୩ଟି ପଦକ ଜିତିସାରିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରିୟଙ୍କା ବ୍ୟକ୍ତିଗତ ରେକର୍ଡ ସହ ୪୯ ମିନିଟ ୩୮ ସେକେଣ୍ଡରେ ଦଶ ହଜାର କିମି ଚାଲି ଶେଷ କରିଥିଲେ । ପୂର୍ବରୁ ଟ୍ରାକ ଆଣ୍ଡ ଫିଲ୍ଡରେ ଭାରତ ଦୁଇଟି ପଦକ ପାଇଥିଲା । ମୁରଲି ଶ୍ରୀଶଙ୍କର ଲମ୍ବ ଡିଆଁରେ ରୌପ୍ୟ ପଦକ ପାଇଥିବା ବେଳେ ତେଜସ୍ୱିନ ଶଙ୍କର ହାଇଜମ୍ପରେ ବ୍ରୋଞ୍ଜ ପଦକ ହାସଲ କରିଥିଲେ ।
ଟୋକିଓ ଅଲିମ୍ପିକ୍ସରେ ପ୍ରତିନିଧିତ୍ୱ କରିଥିବା ପ୍ରିୟଙ୍କା ଚାଲିର ପ୍ରଥମ ଭାଗରେ ନିଜର ଶ୍ରେଷ୍ଠ ପ୍ରଦର୍ଶନ କରିଥିଲେ । ୪ କିମି ଚାଲିଶେଷ ହେବା ପରେ ସେ ପ୍ରଥମ ସ୍ଥାନରେ ରହିଥିଲେ । ଏହା ସହ ୮ କିମି ପରେ ସେ ତୃତୀୟ ସ୍ଥାନରେ ରହିଥିଲେ । ତେବେ ଶେଷ ୨ କିମିରେ ନିଜର ଶ୍ରେଷ୍ଠ ଟାଇମିଂ ସହ ଦ୍ୱିତୀୟ ସ୍ଥାନରେ ରହି ରୌପ୍ୟ ହାସଲ କରିଛନ୍ତି ।