କନକ ବ୍ୟୁରୋ: ଆଜିଠାରୁ ଓଡ଼ିଆଙ୍କ ପ୍ରିୟ ଖାଦ୍ୟ ମୁଢ଼ି ଉପରେ ୫ ପ୍ରତିଶତ ଜିଏସଟି ଦେବାକୁ ପଡିବ । ଅବଶ୍ୟ ଖୋଲାରେ କିମ୍ବା ଗ୍ରାହକଙ୍କ ଆଗରେ ଦୋକାନୀ ପ୍ୟାକିଂ କରି ବିକିଲେ ଲାଗୁ ହେବନାହିଁ ଜିଏସଟି । କିନ୍ତୁ ଏବେ ମୁଢ଼ି ସମେତ ପ୍ୟାକେଟ୍ରେ ଅନ୍ୟ କୃଷି ଓ ଦୁଗ୍ଧଜାତ ଜିନିଷ ବିକିଲେ ମଧ୍ୟ ୫ ପ୍ରତିଶତ ଜିଏସଟି ବା ସାମଗ୍ରୀ ଓ ସେବା କର ଦେବାକୁ ହେବ ।
Kanak News is now on WhatsApp
Join and get latest news updates delivered to you via WhatsApp
ଖୋଲାରେ ମୁଢ଼ିକୁ ରଖିଲେ ନଷ୍ଟ ହେବା ଆଶଙ୍କା ଥିବାରୁ ଅଧିକାଂଶ ଦୋକାନରେ ଏହା ପ୍ୟାକେଟ ଆକାରରେ ରଖା ଯାଇଥାଏ । ତେଣୁ ଏହି ପ୍ୟାକେଟରେ ମୁଢ଼ି ବିକିଲେ ଏଣିକି ୫ ପ୍ରତିଶତ ଟିକସ ଦେବାକୁ ହେବ । ଓଡ଼ିଶାରେ ମୁଢ଼ି ପ୍ରମୁଖ ଖାଦ୍ୟ ଏବଂ ଅନେକ ଛୋଟ ବ୍ୟବସାୟୀ ଏହା ଉପରେ ନିର୍ଭର କରୁଥିବାରୁ ଜିଏସଟି ପ୍ରତ୍ୟାହାର ପାଇଁ ଦାବି ହୋଇଛି ।
ଆଉ ଏହି ପ୍ରସଙ୍ଗ ମଧ୍ୟ ଉଠିଛି ବିଧାନସଭାରେ । ଏହାକୁ ପ୍ରତ୍ୟାହାର କରିବା ପାଇଁ ଦାବି କରିଛି କଂଗ୍ରେସ । ମୁଢ଼ିରେ ଟିକସକୁ ଗରିବଙ୍କ ପେଟରେ ଲାତ ବୋଲି ବର୍ଣ୍ଣନା କରିଛି ଦଳ । ଏଥିରେ ରାଜ୍ୟ ସରକାରଙ୍କ ଭୂମିକା ନଥିବା କହି ଦୋଷ ଛଡ଼ାଇ ଦେଇଛନ୍ତି ଅର୍ଥମନ୍ତ୍ରୀ ନିରଂଜନ ପୂଜାରୀ । ଅନ୍ୟପଟେ ଜିଏସଟି କାଉନ୍ସିଲ୍ରେ ଏହି ପ୍ରସଙ୍ଗରେ ରାଜ୍ୟ ସରକାର କାହିଁକି ମୁହଁ ଖୋଲିନଥିଲେ, ବୋଲି ପ୍ରଶ୍ନ କରିଛନ୍ତି ବିଜେପି ବିଧାୟକ ମୋହନ ମାଝି । ବିଧାନସଭାରେ ଏହି ପ୍ରସଙ୍ଗରେ ହଟ୍ଟଗୋଳ ହୋଇଥିବା ବେଳେ କେନ୍ଦ୍ରକୁ ଅର୍ଥମନ୍ତ୍ରୀ ଚିଠି ଲେଖନ୍ତୁ ବୋଲି ବାଚସ୍ପତି ରୁଲିଂ ଦେଇଛନ୍ତି ।
କେବଳ ମୁଢ଼ି ନୁହେଁ ଅନେକ ଖାଦ୍ୟ ସାମଗ୍ରୀ ଜିଏସଟି ପରିସରକୁ ଆସିଛି । କିଛି ସାମଗ୍ରୀ ଉପରେ ଜିଏସଟି ବୃଦ୍ଧି ପାଇଛି । ନଜର ପକାଇବା ଆଜିଠାରୁ କାହା ଉପରେ ପଡ଼ିବ କେତେ ଜିଏସଟି?
ପ୍ୟାକେଟରେ ଲେବୁଲ୍ ଲାଗି ବିକ୍ରି ହେଉଥିବା
ମୁଢ଼ି, ଚୁଡ଼ା, ଗୁଡ଼, ମହୁ, ଅଟା, ଦହି, ପନିର, ଅଟା, ଚାଉଳ ଚୂନା – ୫ ପ୍ରତିଶତ
୫ ହଜାର ଟଙ୍କା ଉପରେ ହସ୍ପିଟାଲ୍ ରୁମ୍ ରେଂଟ୍ – ୫ ପ୍ରତିଶତ
ମ୍ୟାପ୍, ଚାର୍ଟସ୍, ଆଟ୍ଲାସ୍ – ୧୨ ପ୍ରତିଶତ
ସୋଲାର୍ ୱାଟର୍ ହିଟର୍ – ୧୨ ପ୍ରତିଶତ
ବ୍ୟାଙ୍କ ଚେକ୍ସ – ୧୮ ପ୍ରତିଶତ
ଫ୍ରଂଟିଙ୍ଗ, ଡ୍ରଇଂ, ଡ୍ରଇଂ କାଳି, ଛୁରୀ, ପେନ୍ସିଲ୍ କଟର୍ – ୧୮ ପ୍ରତିଶତ
ଏଲ୍ଇଡି ଲ୍ୟାମ୍ପ – ୧୮ ପ୍ରତିଶତ
ରାସ୍ତା, ପୋଲ, ରେଳବାଇ, ମେଟ୍ରୋ ଆଦି ଠିକା କାମ – ୧୮ ପ୍ରତିଶତ