ଶ୍ରୀଲଙ୍କାର ପୂର୍ବ ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେଙ୍କୁ ଦେଶ ଛାଡିବାକୁ ବାରଣ କଲା କୋର୍ଟ । ସାନ ଭାଇଙ୍କ ଉପରେ ବି କଟକଣା ଲାଗୁ
କନକ ବ୍ୟୁରୋ : ଶ୍ରୀଲଙ୍କାର ସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ରାଷ୍ଟ୍ରପତି ଥିିବା ଗୋଟାବାୟା ରାଜପକ୍ଷେ ଦେଶଛାଡି ଯିବା ପରେ ଏବେ ରାଜପେକ୍ଷ ପରିବାର ଉପରେ କଠୋର ହୋଇଛି ଶ୍ରୀଲଙ୍କା କୋର୍ଟ । କୋର୍ଟ ତରଫରୁ ଗୋଟାବାୟାଙ୍କ ସାନ ଭାଇ ତଥା ଶ୍ରୀଲଙ୍କାର ପୂର୍ବତନ ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେଙ୍କୁ ଦେଶଛାଡି ବିଦେଶ ଯିବା ଉପରେ କୋର୍ଟ ରୋକ୍ ଲଗାଇଛି । କେବଳ ମହିନ୍ଦ୍ରା ନୁହନ୍ତି ତାଙ୍କ ସାନଭାଇ ବାସିଲ ରାଜପକ୍ଷେଙ୍କ ଉପରେ ବି ସମାନ କଟକଣା ଲଗାଯାଇଛି । ବାସିଲ ରାଜପକ୍ଷେ ଦେଶଛାଡି ବିଦେଶ ପଳାଇଯିବାକୁ ବିମାନ ବନ୍ଦରରେ ପହଂଚିଥିବା ବେଳେ କିଛି ଲୋକ ତାଙ୍କୁ ଅଟକାଇ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶରେ ଜାରି ରହିଥିବା ଆର୍ଥିକ ସଂକଟ କାରଣରୁ ଶ୍ରୀଲଙ୍କାର ଲକ୍ଷ ଲକ୍ଷ ନାଗରିକ ଏବେ ରାସ୍ତାରେ ପ୍ରଦର୍ଶନ କରିବା ସହ ରାଷ୍ଟ୍ରପତି ଭବନ ଦଖଲ କରିଛନ୍ତି । ଏହି ସମୟରେ ନିଜ ଜୀବନ ବଞ୍ଚାଇବାକୁ ରାଷ୍ଟ୍ରପତି ଗୋଟାବାୟା ରାଜପକ୍ଷେ ଦେଶଛାଡି ପଳାଇ ଯାଇଛନ୍ତି । ସେ ଗତକାଲି ସିଂଗାପୁରରେ ଥାଇ ନିଜର ଇସ୍ତଫା ପତ୍ର ପଠାଇଥିବା କଥା ବାଚସ୍ପତି ମହିନ୍ଦ୍ରା ୟାପା ଅଭୟବର୍ଦ୍ଧନ ଗଣମାଧ୍ୟମକୁ ସୂଚନା ଦେଇଥିଲେ ।
ସେପଟେ ଦେଶର ପରବତ୍ତୀ ରାଷ୍ଟ୍ରପତି କିଏ ହେବ ତାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ପ୍ରଧାନମନ୍ତ୍ରୀ ଥିବା ରାନିଲ ବ୍ରିକମାସିଂଘେଙ୍କୁ କାମଚଳା ରାଷ୍ଟ୍ରପତି ଭାବେ ଚୟନ କରାଯାଇଛି । ସେ ଆଜି ବିଧିବଦ୍ଧ ଭାବେ ଶପଥ ନେଇଛନ୍ତି ।