ସମ୍ବଲପୁର ଗୋଲବଜାରରେ ଅଗ୍ନିକାଣ୍ଡ ! ଜଳିପୋଡି ଛାରଖାର ହୋଇଗଲା ୧୦୦ ଦୋକାନ
କନକ ବ୍ୟୁରୋ : ସମ୍ବଲପୁର ଗୋଲବଜାରରେ ଅଗ୍ନିକାଣ୍ଡ । ଅଗ୍ନିକାଣ୍ଡର କାରଣ ସ୍ପଷ୍ଟ ଜଣା ପଡ଼ିନାହିଁ । ଅଗ୍ନିକାଣ୍ଡରେ ପାଖାପାଖି ୧୦୦ଟି ଦୋକାନ ପୋଡ଼ି ନଷ୍ଟ ହୋଇଛି । ଲକ୍ଷାଧିକ ଟଙ୍କାର ସମଗ୍ରୀ ପୋଡ଼ି ନଷ୍ଟ ହୋଇଛି । ନିଆଁ ପ୍ରାୟ ରାତି ୨.୧୫ ମିନିଟରେ ଲାଗିଥିବା ସ୍ଥାନୀୟ ଲୋକେ କହିଛନ୍ତି । ନିଆଁ ଲାଗିବାର ଖବର ପାଇ ଅଗ୍ନିଶମ ବିଭାଗ ତୁରନ୍ତ ଘଟଣାରେ ପହଂଚିଥିଲା । ଅଗ୍ନିଶମ ବିଭାଗର ସମସ୍ତ କର୍ମଚାରୀ ପହଂଚି ନିଆଁ ଲିଭାଇବାକୁ ତୁରନ୍ତ ଚେଷ୍ଟା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ପ୍ଲାଷ୍ଟିକ ଆଜବେଷ୍ଟସ, ଜରି ଏବଂ ବିଭିନ୍ନ ଦହନଶୀଳ ପଦାର୍ଥ ଥିବାରୁ ନିଆଁ ଖୁବ ଜୋରରେ ବ୍ୟାପି ଯାଇଥିଲା । ୩ଟି ଦମକଳ ଗାଡ଼ି ସାହାଯ୍ୟରେ ୨ ଘଂଟା ପରିଶ୍ରମ ପରେ ନିଆଁକୁ ଆୟତ କରିଥିଲେ ଅଗ୍ନିଶମ ବିଭାଗ । ଗତକାଲି ଦୀପାବଳିରେ ବହୁ ଦୋକନୀ ଦୋକାନ ପୂଜା କରିଥିଲେ । ଦୋକାନରେ ଦୀପ ମଧ୍ୟ ଲାଗାଇଥିଲେ । ହୁଏତ ଦୀପରୁ ନିଆଁ ଲାଗିଥାଇପାରେ ବୋଲି ଅଗ୍ନିଶମ ବିଭାଗ କହିଛି । ତେବେ ତଦନ୍ତ କଲେ ପ୍ରକୃତ ତଥ୍ୟ ଜଣା ପଡ଼ିବ ବୋଲି କହିଛି ଅଗ୍ନିଶମ ବିଭାଗ । ଏହା ପୁର୍ବରୁ ମଧ୍ୟ ଗୋଲବଜାରରେ ୪ ଥର ନିଆଁ ଲାଗି କୋଟି କୋଟି ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଛି ।