ଯାଜପୁରର ବାପା, ପୁଅ ବିବାଦର ସମାଧାନ ପରେ ଜିଲ୍ଳାପାଳ ଅଫିସରେ ପହଞ୍ଚିଲେ ପୁଅ : ଆପୋଷ ବୁଝାମଣା କରିବାକୁ ଜିଲ୍ଳାପାଳଙ୍କୁ ଅନୁରୋଧ କଲେ ସୂର୍ଯ୍ୟମଣି ମିଶ୍ର
କନକ ବ୍ୟୁରୋ : କନକ ନ୍ୟୁଜ ବିତର୍କରେ ଯାଜପୁରର ବାପା, ପୁଅ କଳିରେ କିଛିଟା ସମାଧାନର ସୂତ୍ର ବାହାରିଥିବା ବେଳେ ଆଜି ଜିଲ୍ଲାପାଳଙ୍କୁ ଭେଟିଛନ୍ତି ପୂଅ ସୂର୍ଯ୍ୟମଣି ମିଶ୍ର । ଜିଲ୍ଲାପାଳଙ୍କୁ ଭେଟି ଘଟଣାରେ ଆପୋଷ ବୁଝାମଣା କରିବାକୁ ନିବେଦନ କରିଛନ୍ତି ପୁଅ । ବାପା କ୍ଷେତ୍ରମୋହନ ମିଶ୍ରଙ୍କୁ ଜିଲ୍ଲାପାଳ ଡାକି ତାଙ୍କୁ ବୁଝାସୁଝା କରିବା ସହ ଲାଗିରହିଥିବା ବିବାଦର ସମାଧାନ କରିବାକୁ ଅନୁରୋଧ କରିଛନ୍ତି । ଗତକାଲି କନକ ନ୍ୟୁଜ ବିତର୍କରେ ପୁଅ ସୂର୍ଯ୍ୟମଣି ମିଶ୍ର ବାପା କ୍ଷେତ୍ରମୋହନଙ୍କୁ ମିଶ୍ରକୁ ଭୁଲ ମାଗିଥିଲେ । ଯଦି ସେ କିଛି ଭୁଲ କରିଥାନ୍ତି, ସେଥିପାଇଁ ତାଙ୍କୁ କ୍ଷମା କରିଦେବାକୁ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାପା ମଧ୍ୟ କହିଥିଲେ, ଯେ ଯଦି ପୁଅ ବୋହୁ ତାଙ୍କୁ ନିର୍ଯାତନା ଦେବେ ନାହିଁ ବୋଲି ଜିଲ୍ଲାପାଳଙ୍କ ନିକଟରେ ଲିଖିତ ପ୍ରତିଶ୍ରୁତି ଦେବା ସହ ସସମ୍ମାନ ଘରକୁ ଫେରାଇ ନେବେ ତେବେ ସେ ଘରକୁ ଯିବାକୁ ରାଜି ଅଛନ୍ତି । ଏବଂ ପୁଅକୁ ସର୍ବସ୍ୱ ଦେଇଦେବେ ବୋଲି କହିଥିଲେ କ୍ଷେତ୍ରମୋହନ । ପୁଅ ବୋହୁ ନ ପଚାରିବାରୁ ଯାଜପୁର ମୁରଲିପୁର ଗାଁର କ୍ଷେତ୍ରମୋହନ ମିଶ୍ର ନିଜର ସମସ୍ତ ସଂପତି ସରକାରଙ୍କୁ ଦାନ କରିବା ପରେ ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଥିଲା । ପୁଅ-ବୋହୂ ତାଙ୍କୁ ନିର୍ଯାତନା ଦେଉଛନ୍ତି, ତେଣୁ ସେ ତାଙ୍କ ସଂପତିର ହକ୍ଦାର ନୁହଁନ୍ତି, ସେ ତାଙ୍କ ସଂପତି ସରକାରଙ୍କୁ ଦାନ ବି କରିିଦେଇଛନ୍ତି ବୋଲି କହିଥିଲେ କ୍ଷେତ୍ରମୋହନ ମିଶ୍ର ।