ରାୟବରେଲୀ ପହଂଚି ରାହୁଲଙ୍କ ପାଇଁ ଭୋଟ ଭିକ୍ଷା କଲେ ସୋନିଆ । ଭୋଟରଙ୍କୁ ଭାବୁକ ନିବେଦନ
କନକ ବ୍ୟୁରୋ : ସୋନିଆ ଗାନ୍ଧୀ ଆଜି ପୁଅ ରାହୁଲ ଗାନ୍ଧୀଙ୍କ ପାଇଁ ଉତ୍ତରପ୍ରଦେଶର ରାଏବରେଲୀ ଆସନରେ ଭୋଟ ଭିକ୍ଷା କରିଛନ୍ତି । ତାଙ୍କ ସହ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଓ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ମଧ୍ୟ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଆୟୋଜିତ ଜନସଭାକୁ ସମ୍ବୋଧନ କରି ସୋନିଆ ଗାନ୍ଧୀ କହିଛନ୍ତି କି, ରାଏବରେଲୀର ଜନତାଙ୍କ ହାତରେ ମୁଁ ରାହୁଲ ଗାନ୍ଧୀଙ୍କୁ ସମର୍ପିତ କରୁଛି , ମୋର ବିଶ୍ୱାସ ରହିଛି କି, ରାଏବରେଲୀବାସୀ ମୋତେ କେବେ ନିରାଶ କରିବେ ନାହିଁ । ଗତ ଦୁଇ ଦଶନ୍ଧି ଧରି ରାଏବରେଲୀରୁ ସୋନିଆ ଗାନ୍ଧୀ ସାଂସଦ ଭାବେ ନିର୍ବାଚିତ ହେଉଥିଲେ । ହେଲେ ଏବେ ସେ ରାଜ୍ୟସଭାକୁ ଯାଇଥିବାରୁ ତାଙ୍କ ସ୍ଥାନରେ ରାହୁଲ ଗାନ୍ଧୀ ରାଏବରେଲୀରୁ ନିର୍ବାଚନ ଲଢୁଛନ୍ତି ।
ଜନସଭାକୁ ସମ୍ବୋର୍ଦ୍ଧିତ କରି ସୋନିଆ କହିଥିଲେ କି, ଅନେକ ଦିନ ପରେ ରାଏବରେଲୀ ଲୋକଙ୍କ ପାଖରେ ପହଂଚିପାରିଥିବାରୁ ତାଙ୍କୁ ଖୁସି ଅନୁଭବ ହେଉଛି । ଏହାସହ ରାଏବରେଲୀ ଭୋଟର ଦୀର୍ଘଦିନ ଧରି ତାଙ୍କୁ ସାଂସଦ ଭାବେ ସେବା କରିବାର ସୁଯୋଗ ଦେଇଥିବାରୁ ସେ ସେମାନଙ୍କୁ ଧନ୍ୟବାଦ ଜଣାଇଥିଲେ ।
ସୋନିଆ ଗାନ୍ଧୀ କହିଛନ୍ତି କି, ମୁଁ ରାହୁଲ ଓ ପ୍ରିୟଙ୍କାକୁ ସେହି ଶିକ୍ଷା ଦେଇଛି ଯାହା ଗାନ୍ଧୀ ପରିବାର ମୋତେ ଦେଇଥିଲା । ସମସ୍ତଙ୍କୁ ଆଦର କରିବ. ଦୁର୍ବଳ ବର୍ଗର ଲୋକଙ୍କ ଅଧିକାର ପାଇଁ ଲଢେଇ କରିବା ଗାନ୍ଧୀ ପରିବାର ରକ୍ତରେ ଅଛି ବୋଲି ସୋନିଆ ଗାନ୍ଧୀ କହିଥିଲେ ।