୨୦୨୪ ସୁଦ୍ଧା ସବୁ ରାଜ୍ୟରେ ଖୋଲିବ ଜାତୀୟ ତଦନ୍ତକାରୀ ସଂସ୍ଥା ଏନଆଇଏ : ଆତଙ୍କବାଦୀ ମୁକାବିଲାରେ ଏହା ଜରୁରୀ କହିଲେ ଗୃହମନ୍ତ୍ରୀ
କନକ ବ୍ୟୁରୋ : ୨୦୨୪ ସୁଦ୍ଧା ସବୁ ରାଜ୍ୟରେ ଖୋଲିବ ଜାତୀୟ ତଦନ୍ତକାରୀ ସଂସ୍ଥା ଏନଆଇଏ । ଆତଙ୍କବାଦୀ ମୁକାବିଲା ପାଇଁ ଏଭଳି ସବୁ ରାଜ୍ୟରେ ଏନଆଇଏ ଶାଖା ଖୋଲିବ ବୋଲି କହିଛନ୍ତି ଗୃହମନ୍ତ୍ରୀ ଅମିତ ଶାହା । ହରିଆଣାର ସୁଜରକୁଣ୍ଡରେ ସବୁ ରାଜ୍ୟର ଗୃହମନ୍ତ୍ରୀଙ୍କୁ ନେଇ ଆୟୋଜିତ ଚିନ୍ତନ ଶିବିରରେ ଏଭଳି ବୟାନ ଦେଇଛନ୍ତି ଅମିତ ଶାହା । ରାଜ୍ୟଗୁଡିକ ଆଇନଶୃଙ୍ଖଳା ପରିସ୍ଥିତିକୁ ନେଇ ମୁକାବିଲା କରୁଥିବା ବେଳେ ସୀମାରହିତ ଅପରାଧଗୁଡିକର ମୁକାବିଲା ପାଇଁ ଆମକୁ ଚିନ୍ତା କରିବାକୁ ପଡିବ ବୋଲି କହିଛନ୍ତି ଗୃହମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀ, ନିଶା କାରବାର, ଦେଶଦ୍ରୋହ ଭଳି ଅପରାଧର ମୁକାବିଲା ପାଇଁ ଏକ ସଂଯୁକ୍ତ ଯୋଜନା ବନାଇବାକୁ ପଡିବ ବୋଲି ସେ କହିଛନ୍ତି । ଜାମ୍ମୁ କାଶ୍ମୀରରେ ଧାରା ୩୭୦ ହଟିବା ପରେ ଆତଙ୍କବାଦୀ କାର୍ଯ୍ୟକଳାପ ୩୪ ପ୍ରତିଶତ କିମିଛି, ସେହିପରି ସୁରକ୍ଷାବାହୀନୀଙ୍କ ମୃତ୍ୟୁ ୬୪ ପ୍ରତିଶତ ହ୍ରାସ ପାଇଥିବା ବେଳେ ନାଗରିକଙ୍କ ମୃତ୍ୟୁ ୯୦ ପ୍ରତିଶତ କମିଥିବା କହିଛନ୍ତି ଅମିତ ଶାହା । ତେବେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଚିନ୍ତନ ଶିବିରରେ ଭିଡିଓ କନଫେରେନ୍ସିଂ ମାଧ୍ୟମରେ ଯୋଗଦେବାର କାର୍ଯ୍ୟକ୍ରମ ରହିଛି । ଏହି ଶିବିରରେ ରାଜ୍ୟଗୁଡିକର ଗୃହ ସଚିବ, ଡିଜିପିଙ୍କ ସହ ସିଏପିଏଫ୍ ମୁଖ୍ୟ ପ୍ରମୁଖ ସାମିଲ ହୋଇଛନ୍ତି ।