ଦୁନିଆ ଜାଣିବ କାଶ୍ମୀରର ସତ : ଜାମ୍ମୁ-କାଶ୍ମୀରରେ ୟୁରୋପୀୟ ସଂଘର ପ୍ରତିନିଧି ଦଳ, ବିଦେଶୀ ପ୍ରତିନିଧିଙ୍କ ଗସ୍ତକୁ ନେଇ ସରକାରଙ୍କୁ ଘେରିଲେ ବିରୋଧୀ
କନକ ବ୍ୟୁରୋ : ଦୁନିଆ ଜାଣିବ କାଶ୍ମୀରର ସତ । ଆଜି କାଶ୍ମୀର ଗସ୍ତ କରି ଶ୍ରୀନଗରରେ ପହଂଚିଛନ୍ତି ୟୁରୋପୀୟ ସଂଘର ସାଂସଦ । ଅଗଷ୍ଟ ୫ତାରିଖରେ ଘାଟିରୁ ଧାରା ୩୭୦ ହଟିବା ହେବା ପରେ ପ୍ରଥମ ବିଦେଶୀ ପ୍ରତିନିଧି ମଣ୍ଡଳ ଭାବେ ଏହି ଦଳ ଘାଟିକୁ ଯାଇଛନ୍ତି । ଜାମ୍ମୁକାଶ୍ମୀରକୁ ଏହା ୟୁରୋପୀୟ ସଂଘ ସାଂସଦଙ୍କ ଅନୌପଚାରିକ ଗସ୍ତ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତ ଗସ୍ତରେ ଥିବା ୨୮ ସଦସ୍ୟ ବିଶିଷ୍ଟ ୟୁରୋପିୟ ସଂଘର ପ୍ରତିନିଧି ମଣ୍ଡଳ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଏନଏସଏ ଅଜିତ ଡୋଭାଲଙ୍କୁ ଭେଟି ଜାମ୍ମୁକାଶ୍ମୀର ପ୍ରସଙ୍ଗରେ ଆଲୋଚନା କରିଥିଲେ । ଗସ୍ତ ସମୟରେ ୟୁରୋପୀୟ ସଂଘ ସାଂସଦ, ଜାମ୍ମୁକାଶ୍ମୀରର ପ୍ରଶାସନିକ ଅଧିକାରୀଙ୍କୁ ଭେଟିବା ସହ ସ୍ଥାନୀୟ ଲୋକଙ୍କ ସହ ଆଲୋଚନା କରିବେ । ବିଦେଶୀ ପ୍ରତିନିଧି ଦଳର ଗସ୍ତକୁ କଂଗ୍ରେସ ସମେତ ବିଭିନ୍ନ ଦଳ ବିରୋଧ କରିସାରିଛନ୍ତି ।
ଦଳ କହିସାରିଛି, ସରକାର ଦେଶର ପ୍ରତିନିଧିଙ୍କୁ ଘାଟିକୁ ଯିବାକୁ ଅନୁମତି ନ ଦେଇ ବିଦେଶରୁ ଆସିଥିବା ପ୍ରତିନିଧିଙ୍କୁ ଘାଟିକୁ ଯିବାକୁ ଅନୁମତି ଦେଇଛନ୍ତି । କଂଗ୍ରେସ ନେତା ରାହୁଲ ଗାନ୍ଧି ଏହି ପ୍ରସଙ୍ଗରେ କେନ୍ଦ୍ରକୁ ଟାର୍ଗେଟ କରିଛନ୍ତି । ଏପରିକି ଏହି ପ୍ରସଙ୍ଗରେ ବିଜେପି ନେତା ସୁବ୍ରମଣ୍ୟମ ସ୍ୱାମୀ ନିଜ ଦଳକୁ ଟାର୍ଗେଟ କରିଛନ୍ତି । କଂଗ୍ରେସ ନେତା ଆନନ୍ଦ ଶର୍ମା କହିଛନ୍ତି, ଏହି ପ୍ରସଙ୍ଗ ସଂସଦ ଅଧିବେଶନରେ ଉଠିବ ।