କନକ ବ୍ୟୁରୋ : ମହଙ୍ଗା ମାଡରେ ସାଧାରଣ ଲୋକ ଅସ୍ତବ୍ୟସ୍ତ ହୋଇପଡିଲେଣି । ସେ ଖାଦ୍ୟ ସାମଗ୍ରୀ ହେଉ କି, ଇନ୍ଧନ ଗ୍ୟାସ କିମ୍ବା ପେଟ୍ରୋଲ ଡିଜେଲର ଦାମ । ଏସବୁର ଦାମ ଅଚାନକ ଭାବେ ବୃଦ୍ଧି ପାଇବା ଫଳରେ ସାଧାରଣ ଲୋକ ଅଣ୍ଟାସଳଖୀ ଠିଆ ହେବାର କ୍ଷମତା ହରାଇ ବସିଲେଣି । ଏହାରି ମଧ୍ୟରେ ଏବେ ସରକାରଙ୍କର ଏକ ନିଷ୍ପତ୍ତି ପୁଣି ଲୋକଙ୍କ ଉପରେ ବୋଝ ହେବାକୁ ଯାଉଛି । ଏପ୍ରିଲ ପହିଲାରୁ ପେନ୍ କିଲର , ଆଣ୍ଟିବାୟୋଟିକ ସମେତ ଏସବୁ ଔଷଧର ଦାମ ବଢିବାକୁ ଯାଉଛି । ସରକାରଙ୍କ ତରଫରୁ ବାର୍ଷିକ ହୋଲସେଲ ପ୍ରାଇସ୍ ଇଣ୍ଡେକ୍ସର ପରିବର୍ତ୍ତନ ହେବାକୁ ଯାଉଛି । ଫଳରେ ଔଷଧ ନିର୍ମାତା କମ୍ପାନୀମାନଙ୍କ ଔଷଧର ଦାମ ବୃଦ୍ଧି କରିବା ଦାବି ଉପରେ ସରକାର ତୁରନ୍ତ ଅନୁମତି ଦେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଔଷଧ ମୂଲ୍ୟ ନିୟାମକ ଅର୍ଥାତ ନ୍ୟାସନାଲ ଫାର୍ମସ୍ୟୁଟିକାଲ ଫ୍ରାଇସିଙ୍ଗ ଅଥରେଟି ସୋମବାର ଦିନ କହିଛନ୍ତି କି, ସରକାରଙ୍କ ଦ୍ୱାରା ଅଧିସୂଚିତ ବାର୍ଷିକ ହୋଲସେଲ ପ୍ରାଇସ ଇଣ୍ଡେକ୍ସର ବାର୍ଷିକ ପରିବର୍ତ୍ତନ ୨୦୨୨ ଆଧାରରେ ଔଷଧର ଦାମ ୧୨.୧୨ ପ୍ରତିଶତ ବୃଦ୍ଧି ପାଇପାରେ । ସୂଚନା ଥାଉକି ଔଷଧ ନିର୍ମାତା କମ୍ପାନୀମାନେ ଅନେକ ଦିନ ତଳୁ ଔଷଧର ଦାମ ବୃଦ୍ଧି କରିବାକୁ ଦାବି କରିଆସୁଛନ୍ତି ।
ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ପେନକିଲର୍ସ, ଆଣ୍ଟି-ଇଫେକଟିଭ୍, ଆଣ୍ଟିବାୟୋଟିକ୍ସ ଓ ହୃଦରୋଗ ପାଇଁ ବ୍ୟବହାର ହେଉଥିବା ଔଷଧ ସମେତ ମୋଟ ୯୦୦ ପ୍ରକାର ଔଷଓର ଦାମ ୧୨ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇବାକୁ ଯାଉଛି ।