କନକ ବ୍ୟୁରୋ : ପୁଣି ଭୁଷୁଡିଲା ଇନ୍ଦ୍ରାବତୀ ବାମ ମୁଖ୍ୟ କେନାଲ । କେନାଲ ଭୁଷୁଡି ଶହ ଶହ ଏକର ଚାଷ ଜମି ଜଳମଗ୍ନ ହୋଇଯାଇଛି । କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ପ୍ରଜାନାଗଫେଣି ଡଙ୍ଗରିପଡା ନିକଟରେ ଥିବା ଇନ୍ଦ୍ରାବତୀ ବାମ କେନାଲ ଗତରାତିରେ ଭୁଷୁଡି ପଡିଛି । ଦୁଇ ଦିନ ହେଲା ଅଞ୍ଚଳରେ ବର୍ଷା ଲାଗିରହିଥିବା ବେଳେ କେନାଲରେ ପାଣି ବଢିବାରେ ଲାଗିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବରୁ ଥିବା ଏକ ଗର୍ତ୍ତରେ ପାଣି ପଶିବା ପରେ ବାମ ମୁଖ୍ୟ କେନାଲ ଭୁଷୁଡି ପଡିଥିବା ଜଣାପଡିଛି । ଏହି ଗାତର ମରାମତି ପାଇଁ ସ୍ଥାନୀୟ ଲୋକେ କର୍ତ୍ତୃପକ୍ଷଙ୍କୁ ଅଭିଯୋଗ ପରେ ବି କେହି ଶୁଣିନଥିଲେ । ପ୍ରଶାସନର ଅବହେଳା ମନୋଭାବ ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଛି । ଇନ୍ଦ୍ରାବତୀ ବାମ କେନାଲ ଭୁଷୁଡି ପଡିବା ଫଳରେ ପାଖ ଗାଁର କିଛି ଘରେ ପାଣି ପଶିବା ସହ ଚାଷ ଜମି ଜଳମଗ୍ନ ହୋଇଛି । ଘଟଣା ପରେ ବିଭାଗୀୟ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରାଯାଇଥିବା ଏସଡିଓ ସୂଚନା ଦେଇଛନ୍ତି ।