କନକ ବ୍ୟୁରୋ : ଭୁବନେଶ୍ୱରରୁ ନିଖୋଜ ଯୁବତୀଙ୍କ ମୃତଦେହ ପୁରୀର ଲଜରୁ ଉଦ୍ଧାର । ହାତ କାଟଠି ଝୁଲିପଡ଼ିଲେ ଯୁବତୀ । ରକ୍ତ ଜୁଡୁବୁଡୁ ଅବସ୍ଥାରେ ଯୁବତୀଙ୍କ ମୃତଦେହ ବଡ଼ଶଙ୍ଖ ସ୍ଥିତ ଏକ ଲଜର ବନ୍ଦ କୋଠରୀରୁ ମିଳିଛି । ମୃତ ଯୁବତୀ ଭୁବନେଶ୍ୱର ଗଙ୍ଗନଗରରେ ରହୁଥିବା କଳ୍ପତରୁ ମହାନ୍ତିଙ୍କ ଝିଅ ପାୟଲ ମହାନ୍ତି । ସେ ନିଖୋଜ ଥିବା ନେଇ ଏୟାରପୋର୍ଟ ଥାନାରେ ଏକ ମିସିଂ ରିପୋର୍ଟ ଦିଆଯାଇଥିଲା । ଯୁବତୀଙ୍କ ମୃତଦେହ ନିକଟରୁ ଏକ ସୁଇସାଇଡ୍ ନୋଟ୍ ଜବତ ହୋଇଛି । ବିଫଳତା ପାଇଁ ସେ ଜୀବନ ହାରୁଥିବା ଲେଖିଥିବା ଜଣାପଡ଼ିଛି । କୁମ୍ଭାରପଡ଼ା ଥାନା ପୋଲିସ ମୃତଦେହ ଜବତ କରି ତଦନ୍ତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ବଡ଼ଶଙ୍ଖ ଛକ ନିକଟସ୍ଥ ଏଚ୍ଆର୍ ଲଜ୍ର ଏକ ରୁମ୍ରେ ଥିବା ଯାତ୍ରୀ କବାଟ ଖୋଲୁନାହାନ୍ତି ବୋଲି ଲଜ୍ର କର୍ମଚାରୀ ଥାନାରେ ଜଣାଇଥିଲେ । କୁମ୍ଭାରପଡ଼ା ଥାନା ପୁଲିସ ସେଠାରେ ପହଞ୍ଚି କବାଟ ଭାଙ୍ଗି ରୁମ୍ ଭିତରେ ପଶିଥିଲେ । ରୁମ୍ ଭିତରେ ଜଣେ ଯୁବତୀଙ୍କ ମୃତଦେହ ଫ୍ୟାନ୍ରେ ଝୁଲୁଥିବା ଦେଖିବାକୁ ପାଇଥିଲେ । ସେ ଯାଜପୁର ଜିଲ୍ଲା ମଙ୍ଗଳପୁର ଥାନା ଅନ୍ତର୍ଗତ ଜୟନ୍ତରା ଗ୍ରାମର କଳ୍ପତରୁ ମହାନ୍ତିଙ୍କ ଝିଅ । ଭୁବନେଶ୍ବର ଏୟାରଫିଲ୍ଡ ଥାନା ଅନ୍ତର୍ଗତ ଗଙ୍ଗନଗରରେ ରହୁଥିଲେ। ତାଙ୍କ ବେକରେ ତାଙ୍କର ଓଢ଼ଣି ବନ୍ଧା ହୋଇଥିବା ବେଳେ ବାମ ହାତର କଚଟିକୁ ବ୍ଲେଡ୍ରେ କଟାଯାଇଥିବା ଦେଖିବାକୁ ମିଳିଥିଲା । ଫଳରେ, ତାଙ୍କ ହାତରୁ ପ୍ରବଳ ରକ୍ତସ୍ରାବ ବାହାରିଥିବା ଏବଂ ଖଟରେ ପଡ଼ିଥିବାର ଦେଖିବାକୁ ମିଳିଥିଲା ।
ତାଙ୍କ ମୃତଦେହ ନିକଟରେ ଏକ ସୁଇସାଇଡାଲ ନୋଟ୍କୁ ପୁଲିସ ଜବତ କରିଥିଲା । ଏଥିରେ ସେ ମାନସିକ ଅସନ୍ତୋଷ ଯୋଗୁ ଆତ୍ମହତ୍ୟା କରଥିବା ଜଣାଇଛନ୍ତି । ସେ ଇଂରାଜୀରେ ଲେଖିଛନ୍ତି ‘ ସମସ୍ତେ ଜାଣିବ, ମୁଁ ଆଉ ବଞ୍ଚିବାକୁ ଚାହୁଁନି । ସବୁବେଳେ ବିଫଳ ହେବାରୁ ବାଧ୍ୟ ହୋଇ ଆତ୍ମହତ୍ୟା କରୁଛି । ମୋର ମୃତ୍ୟୁ ପାଇଁ କେହି ଦାୟୀ ରହିବେ ନାହିଁ । ଏଥିପାଇଁ କାହାକୁ ହଇରାଣ କରାନଯାଉ’ ବୋଲି ସେ ଲେଖିଛନ୍ତି ।