ଦ୍ରୌପଦୀଙ୍କ ଜୀବନର ମୋଡ ବଦଳାଇ ଦେଇଥିଲା ପ୍ରଜାପିତା ବ୍ରହ୍ମକୁମାରୀ ଆଦର୍ଶ: ଜିଉଁଥିଲେ ସରଳ ଜୀବନ, ଖାଉଥିଲେ ନିରାମିଷ ଭୋଜନ
କନକ ବ୍ୟୁରୋ: ନିପଟ ମଫସଲରୁ ଆସିଥିବା ଆଦିବାସୀ ଝିଅ ଦ୍ରୌପଦୀ ମୁର୍ମୁ ଦେଶର ସର୍ବୋଚ୍ଚ ପଦରେ ବସିବାକୁ ଯାଉଛନ୍ତି । ନିର୍ବାଚନରେ ବିଜୟୀ ହେବା ପରେ ତାଙ୍କ ପାଇଁ ସାରାଦେଶ ଉତ୍ସବମୁଖର ହୋଇଛି । ହେଲେ, ତାଙ୍କ ଜୀବନର ଏମିତି କିଛି ସଂଘର୍ଷର କାହାଣୀ ରହିଛି ଯାହା ବହୁତ କମ୍ ଲୋକ ଜାଣିଥିବେ । ଆଉ ସେହି ସଂଘର୍ଷ ଭିତରୁ ବାହାରିବାକୁ ତାଙ୍କୁ କେମିତି ପ୍ରଜାପିତା ବ୍ରହ୍ମାକୁମାରୀ ବାଟ ଦେଖାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଦେଶର ପ୍ରଥମ ନାଗରୀକ ଭାବେ ନିବାଚିତ ହେବା ପରେ ଦ୍ରୌପଦୀଙ୍କ ଦିଲ୍ଲୀ ସ୍ଥିତ ବାସଭବନରେ ପହଁଚି ତାଙ୍କୁ ଶୁଭେଛା ଜଣାଇଛନ୍ତି ବ୍ରହ୍ମକୁମାରୀ ଆଦର୍ଶରେ ଅନୁପ୍ରାଣିତ ଅନ୍ୟମାନେ । ପୁଷ୍ପଗୁଛ ଦେଇ ଅଭିନନ୍ଦନ ଜଣାଇଛନ୍ତି । କୁହାଯାଏ, ଦ୍ରୌପଦୀ ଏବେ ଯେଉଁ ସଫଳତାର ଶୀର୍ଷରେ ପହଁଚିଛନ୍ତିି ତା ପଛରେ ରହିଛି ବ୍ରହ୍ମକୁମାରୀ ଆଦର୍ଶର ପ୍ରେରଣା ଓ ଜୀବନଚର୍ଯ୍ୟା ।
ଅବସାଦ ଭିତରୁ ବାହାରିବା ପାଇଁ ଦିନେ ବ୍ରହ୍ମକୁମାରୀ ଆଦର୍ଶରେ ଅନୁପ୍ରାଣିତ ହୋଇ ସେଥିରେ ସାମିଲ ହୋଇଥିଲେ । ୨୦୦୯ରୁ ୨୦୧୪ , ମାତ୍ର ଚାରି ବର୍ଷ ଭିତରେ ଯେତେବେଳେ ଆଗପଛ ହୋଇ ଦୁଇ ପୁଅ ଓ ସ୍ୱାମୀ ତାଙ୍କୁ ଛାଡି ଚାଲିଯାଇଥିଲେ । ସମସ୍ତଙ୍କୁ ହରାଇ ଦ୍ରୌପଦୀ ମୁର୍ମୁ ସମ୍ପୂର୍ଣ୍ଣ ଭାଂଗି ପଡିଥିଲେ । ଏପରିକି କିଛି ଦିନ ପାଇଁ ଅବସାଦ ଭିତରକୁ ଚାଲିଯାଇଥିଲେ । କଣ କରିବେ କିଛି ଭାବି ପାରୁନଥିଲେ । ଏହି ସମୟରେ ସେ ପ୍ରଜାପିତା ବ୍ରହ୍ମକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ ଆଦର୍ଶରେ ଅନୁପ୍ରାଣିତ ହୋଇଥିଲେ । ଯାହା ତାଙ୍କୁ ଧିରେ ଧିରେ ଅବସାଦରୁ ବାହାର କରିବା ସହ ଆଗକୁ ବଢ଼ିବାକୁ ବାଟ ଦେଖାଇଥିଲା ।
ଅବସାଦ ଭିତରୁ ବାହାରିବା ପାଇଁ ଦ୍ରୌପଦୀଙ୍କୁ କମ କସରତ କରିବାକୁ ପଡି ନଥିଲା । ପ୍ରଜାପିତା ବ୍ରହ୍ମାକୁମାରୀ ଆଦର୍ଶରେ ଅନୁପ୍ରାଣିତ ହେବା ପରେ ରାତି ୩ଟାରୁ ଉଠି ଯୋଗ କରୁଥିଲେ । ଆମିଷ ଛାଡି ସାତ୍ୱିକ ଆହାର ଗ୍ରହଣ କରୁଥିଲେ ଓ ସରଳ ଜୀବନଯାପନ କରୁଥିଲେ । ସୁସ୍ଥ ହେବା ପରେ ପୁଣି ଥରେ ଆରମ୍ଭ କରିଦେଇଥିଲେ ଲୋକଙ୍କ ସେବା ।
ଦ୍ରୌପଦୀ ନିଜ ବ୍ୟକ୍ତିଗତ ଜୀବନରେ ଘାତପ୍ରତିଘାତ ଦେଇ ଆଗକୁ ବଢିଥିବାରୁ ସେ ଅନ୍ୟମାନଙ୍କ ଦୁଃଖକୁ ବେଶ ଭଲ ଭାବରେ ବୁଝିପାରନ୍ତି । ସେ ବିଧାୟକ ହେବା ପରେ ମନ୍ତ୍ରୀ ହୋଇଥିଲେ ଏବଂ ପରେ ଝାଡଖଣ୍ଡର ରାଜ୍ୟପାଳ ଭାବେ ବି କାର୍ଯ୍ୟ ତୁଳାଇଥିଲେ । କିନ୍ତୁ ପଦର ଅଭିମାନ ତାଙ୍କ ନିକଟରେ କେବେ ନଥିଲା । ଯାହା ତାଙ୍କ ଆଜି ତାଙ୍କୁ ଦେଶର ମହାମହିମ ବନାଇ ଦେଇଛି ।
ସବୁଠାରୁ ବଡ କଥା ହେଉଛି ଦ୍ରୌପଦୀ ମୁର୍ମୁ ଏବେ ବି ବ୍ରହ୍ମକୁମାରୀ ଦିନଚର୍ଯ୍ୟା ପାଳନ କରନ୍ତି । ଆଉ ଏବେ ରାଷ୍ଟ୍ରପତି ଭାବେ ନିର୍ବାଚିତ ହେବା ପରେ ପ୍ରଜାପିତା ବ୍ରହ୍ମକୁମାରୀ ବିଶ୍ୱବିଦ୍ୟାଳୟ କେନ୍ଦ୍ରରେ ଖୁସିର ମାହୋଲ ।