କନକ ବ୍ୟୁରୋ : ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ କୋର୍ଟ ବଡ ଝଟକା ଦେଇଛନ୍ତି । ମାଗାଜିନ ଲେଖିକା ଜୀନ କୌରୋଲଙ୍କୁ ଯୌନ ଶୋଷଣ ମାମଲାରେ କୋର୍ଟ ଟ୍ରମ୍ପଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ନୁୟର୍କରେ ୯ଜଣ ଜୁରୀ ମେମ୍ବର୍ସ ଯୌନ ଶୋଷଣ ଓ ମାନହାନୀ ମାମଲାରେ ଟ୍ରମ୍ପଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ଏହାସହ ପୀଡିତା ଜୀନ କୌରୋଲଙ୍କୁ କ୍ଷତିପୁରଣ ବାବଦରେ ୪୧ କୋଟି ବା ୫ ମିଲିୟନ ଡଲାର ଦେବାକୁ କୋର୍ଟ ଟ୍ରମ୍ପଙ୍କୁ ନିର୍ଦ୍ଦେଶ ଦେଇଛନ୍ତି । ନ୍ୟୁୟର୍କ ଫେଡ୍ରାଲ କୋର୍ଟ ଶୁଣାଣି ପରେ ମଙ୍ଗଳବାର ମଧ୍ୟ ରାତ୍ରରେ ଏହି ରାୟ ଶୁଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାଗାଜିନ ଲେଖିକା ଜୀନ କୌରଲ ୨୦୧୯ରେ ଅଭିଯୋଗ ଆଣିଥିଲେ କି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୧୯୯୬ ମସିହାରେ ମୈନହେଟନର ଏକ ଡିପାର୍ଟମେଣ୍ଟାଲ ଷ୍ଟୋରରେ ତାଙ୍କୁ ଦୁଷ୍କର୍ମ କରିଥିଲେ । ହେଲେ ଟ୍ରମ୍ପ ଏହି ଅଭିଯୋଗକୁ ଖଣ୍ଡନ କରିଥିଲେ । ଟ୍ରମ୍ପ କହିଥିଲେ କି ଜୀନ କୌରୋଲ ତାଙ୍କ ସହ ସମାସ୍କନ୍ଦ ନୁହେଁ ।
କେବଳ ଏକା ଜୀନ କୌରୋଲ ନୁହଁନ୍ତି ଟ୍ରମ୍ପଙ୍କ ବିରୋଧରେ ଅନ୍ୟ ଦୁଇଜଣ ମହିଳା ମଧ୍ୟ ସମାନ ଅଭିଯୋଗ ଆଣିଛନ୍ତି । ପିପଲ ମାଗାଜିନର ରିପୋର୍ଟର ନତାଶା ଷ୍ଟୟନାଫ ଅଭିଯୋଗ ଆଣିଛନ୍ତି କି ୨୦୦୫ ମସିହାରେ ଟ୍ରମ୍ପ ତାଙ୍କ ବିନା ଅନୁମତିରେ ତାଙ୍କୁ ଚୁମ୍ବନ ଦେଇଥିଲେ । ସେହିଭଳି ୧୯୭୯ ରେ ଜେସିକା ଲିଡସଙ୍କ ସହ ଅସାଦଚରଣ କରିଥିବା କଥା ସେ ଅଭିଯୋଗ ଆଣିଛନ୍ତି ।