କନକ ବ୍ୟୁରୋ : ଧନୁଯାତ୍ରାର ସପ୍ତମ ଦିନରେ ଧନୁଯାତ୍ରାକୁ କୃଷ୍ଣ-ବଳରାମକୁ ନିମନ୍ତ୍ରିତ କରିବା ପାଇଁ କଂସ ମହାରାଜ ପ୍ରସ୍ତୁତ କରିଛନ୍ତି ଚଟାଉ ପ୍ରସ୍ତୁତି । ଉଭୟଙ୍କୁ ଗୋପପୁରରୁ ମଥୁରାକୁ ଆଣିବା ଲାଗି ଅକ୍ରୁର ହିଁ ସର୍ବୋକୃଷ୍ଣ ବ୍ୟକ୍ତି ବୋଲି ଦେବଶ୍ରୀ ନାରଦ ମହାରାଜଙ୍କୁ ପରାମର୍ଶ ଦେଇଛନ୍ତି । ଏହା ପରେ ମହାରାଜ ଅକ୍ରୁରଙ୍କ ସହ ଆଲୋଚନା କରିଛନ୍ତି । ଆଲୋଚନା ଅନୁସାରେ ଅକ୍ରୁର କୃଷ୍ଣ-ବଳାରାମଙ୍କୁ ଆଣିବା ପାଇଁ ଗୋପପୁର ଯିବେ । ସେପଟେ ମହାରାଜ କଂସ ନଗର ପରିକ୍ରମା କରି ପାତ୍ରମନ୍ତ୍ରୀଙ୍କ ସହ ରଙ୍ଗମହଲରେ ପଂହଚିଥିଲେ । ସପ୍ତମ ରାତିରେ ଗୋପୀଙ୍କ ଦଧିବିକା ଓ ରାଧାକୃଷ୍ଣଙ୍କ ନାବକେଳି ଦୃଶ୍ୟ ପ୍ରଦର୍ଶନକୁ ଉପଭୋଗ କରିଥିଲେ ଦର୍ଶକ ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା ମହୋତ୍ସବର ଷଷ୍ଠ ଦିବସରେ ରଂଗସଭା ଥିଲା ମୁଖ୍ୟ ଆକର୍ଷଣ। ନାଟ୍ୟାଭିନୟ କ୍ରମରେ ମହାରାଜଙ୍କ ଦରବାରରେ ରଂଗସଭା, କୃଷ୍ଣ-ବଳରାମଙ୍କୁ ହତ୍ୟା ପାଇଁ ଷଡ଼ଯନ୍ତ୍ର ରଚନା, ମଥୁରାରେ ଧନୁଯାତ୍ରା ଆୟୋଜନ ପାଇଁ ବିଚାର, ରାଜନର୍ତ୍ତକୀଙ୍କ ନୃତ୍ୟ ଉତ୍ସବ ସହ ଗୋପପୁରରେ ଗୋପୀଙ୍କ ଦଧିବିକା, ବସ୍ତ୍ରହରଣ ଓ ଯମୁନା ଆଳତି ଦୃଶ୍ୟ ଅଭିନୀତ ହୋଇଛି । ମହାରାଜ କଂସଙ୍କ ନିମନ୍ତ୍ରଣ ପାଇ ନିମନ୍ତ୍ରତ ରାଜାମାନେ ରଂଗସଭାରେ ନିଜ ପରାକ୍ରମ ପ୍ରଦର୍ଶନ କରି କୃଷ୍ଣ ବଧ ପାଇଁ ନିଜନିଜ ସୈନ୍ୟସାମନ୍ତଙ୍କ ସହିତ ଉପସ୍ଥିତ ରହିବେ ବୋଲି ପ୍ରତିଶ୍ରୁତି ଦେଇଥିଲେ । ସେହିପରି ଗୋପପୁରେ ଜାରି ରହିଛି କୃଷ୍ଣଲୀଳା । ଗୁରୁବାର ଗୋପପୁରରେ ଗୋପୀଙ୍କ ଦଧିବିକା ସହ ଯାତ୍ରାର ମୁଖ୍ୟ ଆକର୍ଷଣ ବସ୍ତ୍ରହରଣ ଦୃଶ୍ୟ ଅଭିନୀତ ହୋଇଥିଲା ।