ବ୍ୟାପକ ହେଲା ଶ୍ରୀମନ୍ଦିର ଦାନ ବ୍ୟବସ୍ଥା : ଏଣିକି ପେଟିଏମରେ ଦାନ ଦେଇପାରିବେ ଶ୍ରଦ୍ଧାଳୁ; ବ୍ୟବସ୍ଥାକୁ ଅନେକଙ୍କ ସମାଲୋଚନା
କନକ ବ୍ୟୁରୋ : ଶ୍ରୀମନ୍ଦିରକୁ ଡିଜିଟାଲ ଦାନକୁ ନେଇ ଭିନ୍ନ ପ୍ରତିକ୍ରିୟା । କିଛି ଶ୍ରଦ୍ଧାଳୁ ଏହାକୁ ସମର୍ଥନ କରୁଥିବା ବେଳେ କିଛି ଶ୍ରଦ୍ଧାଳୁ ଏହାକୁ ବିରୋଧ କରିଛନ୍ତି । ଡିଜିଟାଲରେ ଦାନ ସଂଗ୍ରହ ପଦ୍ଧତିକୁ ବିରୋଧ କରି କିଛି ଭକ୍ତ କହୁଛନ୍ତି, ମହାପ୍ରଭୁଙ୍କର ହଜାର ହଜାର ଏକରର ଜମି, ସୁନା, ରୂପା ରହିଛି । ଏହା ବାଦ୍ ରାଜ୍ୟ ସରକାର ମଧ୍ୟ ଅନୁଦାନ ଦେଉଛନ୍ତି । ଏବେ ଭକ୍ତମାନେ ନଗଦ ଟଙ୍କା, ସୁନା, ରୁପା ଅଳଙ୍କାର ଦାନ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ସ୍ଥିତିରେ ଦାନ ପାଇଁ ଡିଜିଟାଲ ପେମେଣ୍ଟ ବ୍ୟବସ୍ଥ୍ୟାର କଣ ଆବଶ୍ୟକତା ରହୁଛି ବୋଲି କିଛି ଶ୍ରଦ୍ଧାଳୁ ପ୍ରଶ୍ନ କରିଛନ୍ତି । ଶ୍ରୀମନ୍ଦିରକୁ ଡିଜିଟାଲ ଦାନ ପାଇଁ ପେଟିଏମ ଏବଂ ଶ୍ରୀମନ୍ଦିର ପ୍ରଶାସନ ମଧ୍ୟରେ ଚୁକ୍ତି ହୋଇଛି । ଡିଜିଟାଲ ଦାନ ପାଇଁ ଶ୍ରୀମନ୍ଦିର ଚାରି ଦ୍ୱାର, ରେଳ ଷ୍ଟେସନ, ବସଷ୍ଟାଣ୍ଡ, ଅତିଥିଶାଳା, ହୋଟେଲ ଆଦି ସ୍ଥାନରେ କ୍ୟୁ-ଆର ସ୍କାନର ଲଗାଯାଇଛି । ଦାନ ସୁତ୍ରରୁ ଶ୍ରୀମନ୍ଦିର ରାଜସ୍ୱ ବୃଦ୍ଧି କରିବାକୁ ଏଭଳି ପଦକ୍ଷେପ ନିଆଯାଇଛି ବୋଲି କୁହାଯାଉଛି ।