ଡେଲଟା ଠାରୁ ୫ ଗୁଣ ଦ୍ରୁତ ଗତିରେ ବଢୁଛି ଓମିକ୍ରନ : ମାତ୍ର ୮ ଦିନରେ ୧୦ ହଜାରରୁ ୧ ଲକ୍ଷ ଟପିଲାଣି ଦୈନିକ ସଂକ୍ରମଣ
ପ୍ରଥମ ଲହର ବେଳେ ପିକରେ ପହଂଚିବାକୁ ଲାଗିଥିଲା ୧୦୩ ଦିନ
କନକ ବ୍ୟୁରୋ : ଭୟଙ୍କର ବେଗରେ ମାଡୁଛି କରୋନାର ନୂଆ ଭାରିଆଂଟ ଓମିକ୍ରନ୍ । ପୂର୍ବ ଭାରିଆଂଟ ଡେଲ୍ଟା ତୁଳନାରେ ୫ ଗୁଣା ଦ୍ରୁତ ଗତିରେ ବଢୁଛି ଓମିକ୍ରନ୍ । ମାତ୍ର ୮ ଦିନରେ ଦୈନିକ ସଂକ୍ରମଣ ୧୦ ହଜାରରୁ ଯାଇ ୧ ଲକ୍ଷ ପାର କଲାଣି । କରୋନାର ପ୍ରଥମ ଲହର ବେଳେ କରୋନାର ଦୈନକ ସଂକ୍ରମଣ ୧୦ ହଜାରରୁ ୧ ଲକ୍ଷରେ ପହଂଚିବା ପାଇଁ ୧୦୩ ଦିନ ସମୟ ଲାଗିଥିଲା । ପ୍ରଥମ ଲହରରେ ଦୈନିକ ସଂକ୍ରମଣ ସର୍ବାଧିକ ୯୮ ହଜାର ୭୯୫ରେ ପହଂଚିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଦ୍ୱିତୀୟ ୱେଭ୍ ବେଳେ ୪୭ ଦିନ ପରେ ଦୈନିକ ସଂକ୍ରମଣ ୧ ଲକ୍ଷରେ ପହଂଚିଥିଲା । ଦ୍ୱିତୀୟ ଲହରରେ ଦୈନିକ ସଂକ୍ରମଣ ୪ ଲକ୍ଷ ପର୍ଯ୍ୟନ୍ତ ଯାଇଥିଲା । ସେହି ଅନୁସାରେ ବର୍ତମାନ କରୋନାର ଦୈନକ ସଂକ୍ରମଣ ଡେଲ୍ଟା ତୁଳନାରେ ୫ ଗୁଣା ଦ୍ରୁତ ଗତିରେ ବୃଦ୍ଧି ପାଉଛି । ଗତ ୨୪ ଘଂଟାରେ ଦୈନିକ ସଂକ୍ରମଣ ୨୮ ପ୍ରତିଶତ ବୃଦ୍ଧି ପାଇଛି । ପୂର୍ବ ଦୁଇ ଦିନ ୫୬ ଦଶମିକ ୩ ଓ ୫୬ ଦଶମିକ ୬ ପ୍ରତିଶତ ଦୈନିକ ସଂକ୍ରମଣ ବୃଦ୍ଧି ପାଇଥିଲା ।