ଦିଲ୍ଲୀରେ ବନ୍ୟା ବିତ୍ପାତ । ଲାଲକିଲ୍ଲାରେ ପଶିଲା ବନ୍ୟା ଜଳ, ରାସ୍ତା ଉପରକୁ ଉଠିଲା ପାଣି । ଅଟକି ରହିଛି ହଜାର ହଜାର ଗାଡି ।
କନକ ବ୍ୟୁରୋ : ହିମାଚଳପ୍ରଦେଶରେ ବନ୍ୟା ବିତ୍ପାତ ପରେ ଏବେ ଦିଲ୍ଲୀର ଜଳପ୍ରଳୟ । ପ୍ରବଳ ବର୍ଷାରେ ଜଳମଗ୍ନ ହୋଇପଡ଼ିଛି ଦେଶର ରାଜଧାନୀ ଦିଲ୍ଲୀ । ଦିଲ୍ଲୀର ଯମୁନା ନଦୀର ଜଳସ୍ତର ୪୫ ବର୍ଷର ରେକର୍ଡ ଭାଙ୍ଗିଛି । ଦିଲ୍ଲୀରେ ଯମୁନା ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି । ଏହାର ବିପଦ ସଙ୍କେତ ୨୦୫ ଦଶମିକ ୩୩ ମିଟର ରହିଥିବା ବେଳେ ବର୍ତମାନ ଜଳସ୍ତର ୨୦୮ ଦଶମିକ ୪୧ ମିଟରରେ ପହଂଚିଛି । ଯଦି ପୁଣି ଜଳସ୍ତର ବୃଦ୍ଧି ହୁଏ ତେବେ ଦିଲ୍ଲୀରେ ସାଂଘାତିକ ସ୍ଥିତି ସୃଷ୍ଟି ହେବ । ଯମୁନା ନଦୀରେ ଜଳସ୍ତର ବୃଦ୍ଧି କାରଣରୁ ଦିଲ୍ଲୀର ବିଭିନ୍ନ ରାସ୍ତାରେ ବନ୍ୟା ଜଳ ଲହରୀ ଭାଙ୍ଗୁଥିବା ବେଳେ ରାଜଘାଟ, ଆଇଟିଓ, କଶ୍ମୀର ଗେଟ ଅଞ୍ଚଳରେ ମଧ୍ୟ ବନ୍ୟା ଜଳ କଲବଲ କରୁଛି । ଏହାଭିତରେ ଲାଲକିଲ୍ଲାର ପଛ ପାଶ୍ୱର୍ରେ ମଧ୍ୟ ବନ୍ୟା ଜଳ ପଶିବା ଆରମ୍ଭ କରୀଛି । ପୁରୁଣା ଦିଲ୍ଲୀକୁ ଯାଉଥିବା ରାସ୍ତା ଜଳମଗ୍ନ ହୋଇଯିବା କାରଣରୁ ଯାତାୟତ ବାଧାପ୍ରାପ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
Traffic Alert
Movement of traffic is restricted in both the carriageways from ISBT towards Majnu Ka Tila and vice-versa due to rise in Yamuna river water. Kindly avoid theses stretches. pic.twitter.com/4kh2QCY04i— Delhi Traffic Police (@dtptraffic) July 13, 2023
ସେହିଭଳି ବଜିରାବାଦ ପାନୀୟ ଜଳ ଟ୍ରିଟମେଣ୍ଟ ପ୍ଲାଣ୍ଟରେ ବନ୍ୟା ଜଳ ପଶିବା କାରଣରୁ ପ୍ଲାଣ୍ଟକୁ ବନ୍ଦ କରାଯାଇଛି । ତେଣୁ ଆଗକୁ ପାନୀୟ ଜଳ ସମସ୍ୟା ଦେଖାଦେଇପାରେ । ବିପଦକୁ ଦୃଷ୍ଟିରେ ରଖି ଉଦ୍ଧାର କାର୍ଯ୍ୟ ପାଇଁ ଏନଡିଆରଏଫକୁ ନିୟୋଜିତ କରାଯାଇଛି । ଜଳମଗ୍ନ ହୋଇଥିବା ଅଞ୍ଚଳରୁ ଏନଡିଆରଏଫ ଟିମ୍ ଲୋକଙ୍କୁ ଉଦ୍ଧାର କରୁଛନ୍ତି । ବନ୍ୟା ସ୍ଥିତି ଏତେ ସାଂଘାତିକ ହୋଇଛି ଯେ, ରାସ୍ତାଘାଟ ବୁଡିବା କାରଣରୁ ଟ୍ରାଫିକ ସମସ୍ୟା ଭୟଙ୍କର ହୋଇଛି । ବିଭିନ୍ନ ରାସ୍ତାରେ ହଜାର ହଜାର ଗାଡି ଅଟକି ରହିଛି । ଯେଉଁଥିପାଇଁ ଲୋକଙ୍କୁ ଘରୁ ବାହାରିବା ପୂର୍ବରୁ ଟ୍ରାଫିକ ସ୍ଥିତି ବାବଦରେ ଜାଣିବାକୁ କୁହାଯାଉଛି । କିଛି ସ୍ଥାନରେ ଟ୍ରାଫିକ ରୁଟକୁ ଡାଇର୍ଭଟ କରାଯାଇଥିବା ବେଳେ କିଛି ରାସ୍ତାକୁ ସମ୍ପୂର୍ଣ୍ଣ ବନ୍ଦ କରି ଦିଆଯାଇଛି ।