ଅବକାରୀ ନୀତି ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ପାଇଁ ବଢିଲା ଅଡୁଆ, କେଜ୍ରିୱାଲଙ୍କୁ ନୋଟିସ ପଠାଇଲା ସିିବିଆଇ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପାଇଁ ଅଡୁଆ ବଢିବାରେ ଲାଗିଛି । ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଗିରଫ କରିବା ପରେ ଏବେ ଜେରା ପାଇଁ ସିବିଆଇ ପକ୍ଷରୁ ଅରବିନ୍ଦ କେଜ୍ରିୱାଲଙ୍କୁ ନୋଟିସ କରାଯାଇଛି । ଏହି ନୋଟିସରେ କେଜ୍ରିୱାଲଙ୍କୁ ଏପ୍ରିଲ ୧୬ ତାରିଖରେ ସିବିଆଇ କର୍ଯ୍ୟାଳୟରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସମାନ ମାମଲାରେ ଗିରଫ ହୋଇ ନ୍ୟାୟୀକ ହେପାଜତରେ ଥିବା ମନୀଷ ସିସୋଦିଆଙ୍କ ଜାମିନ ଆବେଦନ ଉପରେ ବୁଧବାର ଦିନ ଶୁଣାଣି ହୋଇଥିଲେ । ଏଥିରେ ଇଡି ତରଫରୁ ଦଲିଲ୍ ସମ୍ପୂର୍ଣ୍ଣ କରାଯାଇଥିଲା । ଇଡି ତରଫରୁ ଏହି ମାମଲାରେ ସିସୋଦିଆଙ୍କ ଷଡଯନ୍ତ୍ରକାରୀ ବୋଲି କୁହାଯାଇଛି । ଇଡି କହିଛି କି ଅବକାରୀ ନୀତି ପ୍ରସ୍ତୁତ କରିବା ଓ ଏହାକୁ ଲାଗୁ କରିବା ପଛରେ ସିସୋଦିଆଙ୍କର ଭୂମିକା ରହିଛି ।
ଅନ୍ୟପଟେ ଇଡିର ଯାଂଚକୁ ନେଇ ରାଜ୍ୟସଭା ସାଂସଦ ତଥା ଆପ୍ ର ବରିଷ୍ଠ ନେତା ସଂଜୟ ସିଂ ପ୍ରଶ୍ନ ଉଠାଇଛନ୍ତି । ଏକ ସାମ୍ବାଦିକ ସମ୍ମିଳନୀ କରି ସଂଜୟ ସିଂ କହିଛନ୍ତି କି, ଇଡି ଏହି ମାମଲାରେ ଗିରଫ କରିଥିବା ଅଭିଯୁକ୍ତଙ୍କ ଠାରୁ ଜୋର ଜବରଦସ୍ତ କରି ମିଥ୍ୟା ବୟାନ ରେକର୍ଡ କରୁଛି । ଏହାସହ ଇଡି କଥାରେ ଯେଉଁମାନେ ସହଯୋଗ କରୁନାହାଁନ୍ତି ସେମାନଙ୍କୁ ଇଡି ଅଫିସରେ ପଶି ବାହାର ଲୋକମାନେ ମାଡ ମାରୁଛନ୍ତି । ଏସବୁ ଭିତରେ ଏବେ କେଜ୍ରିୱାଲଙ୍କୁ ସିବିଆଇର ନୋଟିସ ପରେ ଏହାକୁ ନେଇ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଯାଇଛି ।