ବଢିବ ଭାରତୀୟ ବାୟୁସେନାର ଶକ୍ତି । ୯୭ଟି ତେଜସ୍ ଓ ୧୫୬ଟି ପ୍ରଚଣ୍ଡ ହେଲିକପ୍ଟର କ୍ରୟକୁ ମଞ୍ଜୁରୀ ପ୍ରଦାନ କଲା ରକ୍ଷା ଅଧିଗ୍ରହଣ ପରିଷଦ
କନକ ବ୍ୟୁରୋ : ରକ୍ଷା ଅଧିଗ୍ରହଣ ପରିଷଦର ଏକ ବଡ ନିଷ୍ପତ୍ତି ନେବା କ୍ରମରେ ୯୭ଟି ତେଜସ ଫାଇଟର ଜେଟ୍ ଓ ୧୫୬ଟି ପ୍ରଚଣ୍ଡ ହେଲିକପ୍ଟର କିଣାକୁ ମଞ୍ଜୁରୀ ପ୍ରଦାନ କରିଛନ୍ତି । ଏହାର ମୋଟ ମୂଲ୍ୟ ୧୦ ହଜାର କୋଟି ଟଙ୍କା ରହିଛି । ଏହାସହ ଅନ୍ୟ କିଛି ପ୍ରତିରକ୍ଷା ସାମଗ୍ରୀ କିଣାକୁ ମଧ୍ୟ ମଞ୍ଜୁରୀ ପ୍ରଦାନ କରାଯାଇଛି । ତେଜସ-୧(ଏ) ଯୁଦ୍ଧ ବିମାନକୁ ଭାରତୀୟ ବାୟୁସେନା ପାଇଁ ଓ ହେଲିକପ୍ଟରକୁ ବାୟୁସେନା ଓ ସ୍ଥଳ ସେନା ପାଇଁ ନିୟୋଜିତ କରାଯିବ । ପରିଷଦ ଅତିରିକ୍ତ କ୍ରୟକୁ ବି ମଞ୍ଜୁରୀ ପ୍ରଦାନ କରିଛନ୍ତି । ଯାହାର ଆନୁମାନିକ ମୂଲ୍ୟ ଦୁଇ ଲକ୍ଷ କୋର୍ଟି ଟଙ୍କା ।
Kanak News is now on WhatsApp
Join and get latest news updates delivered to you via WhatsApp
ଯଦି ଏହା ହେଉଛି ତେବେ ଭାରତ ଇତିହାସରେ ସ୍ୱଦେଶୀ ନିର୍ମାତାଙ୍କୁ ମିଳିଥିବା ପୂର୍ବ ସମସ୍ତ ଅର୍ଡର ଠାରୁ ଏହା ବହୁ ଅଧିକ । ଏବେ ମଞ୍ଜୁରୀ ପ୍ରଦାନ କରାଗଲେ ଏହାପରେ ସିକୃତିର ଆବଶ୍ୟକତା ରହିଛି । ଏସବୁ ପରେ ନିର୍ମାତାମାନଙ୍କ ସହ ଚୁକ୍ତି ଉପରେ ଆଲୋଚନା ହେବ । ଯଦି ବିଦେଶୀ ନିର୍ମାତା ମାନେ ସ୍ୱଦେଶୀ କମ୍ପାନୀ ସହ ମିଳିତ ଭାବେ ଏସବୁ ବିମାନ ନିର୍ମାଣ କରିବାକୁ ଆଗେଇ ଆସନ୍ତି ତେବେ ବହୁତ କମ୍ ସମୟ ମଧ୍ୟରେ ଏହି ହେଲିକପ୍ଟର ଓ ଯୁଦ୍ଧ ବିମାନ ଭାରତୀୟ ସେନାରେ ସାମିଲ ହୋଇପାରିବ ବୋଲି ଆଶା କରାଯାଉଛି ।