ବ୍ରହ୍ମଗିରିରୁ ଆସିଲା ବିକଳ ଚିତ୍ର: ପାଣିଘେରରେ ପୂରା ଗାଁ, ବେକେ ପାଣିରେ ଟ୍ୟୁବରେ ବୁହାହୋଇ ଶ୍ମଶାନକୁ ଗଲା ଶବ । ପ୍ରଶାସନର ପାରିବା ପଣିଆ ଉପରେ ଉଠିଲା ପ୍ରଶ୍ନ ?
କନକ ବ୍ୟୁରୋ: ପ୍ରବଳ ବର୍ଷାର୍ରେ ଜଳମଗ୍ନ ହେଲା ଗାଁ । ଟ୍ୟୁବରେ ବାନ୍ଧି ଶବକୁ ଶ୍ମଶାନକୁ ନେଲେ ପରିବାର ଲୋକେ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବ୍ରହ୍ମଗିରି ବ୍ଲକର ଘଟକୁଡି ପଂଚାୟତ ଗୌଡରଣାପଡା ଗାଁରେ । ଦୀର୍ଘ ୬ ଧିନଧରି ଲଗାଣ ବର୍ଷା ଯୋଗୁଁ ଏହି ଗାଁ ଏବେ ସମ୍ପୂର୍ଣ୍ଣ ଜଳବନ୍ଦୀ ହୋଇପଡ଼ିଛି । ଏପରିକି ଘର, ରାସ୍ତାଘାଟ ପୂରା ଜଳାଶୟ ପାଲଟିଛି କହିଲେ ଅତ୍ୟୁକ୍ତି ହେବନି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାରି ମଧ୍ୟରେ ପାଣି ଘେରରେ ରହୁଥିବା ଲୋକଙ୍କ ମଧ୍ୟରୁ ଗତକାଲି ଗାଁର ସ୍ୱର୍ଗତ ଉଦୟନାଥ ଭୋଇଙ୍କ ପତ୍ନୀ କୁନି ଭୋଇଙ୍କ ଦେହାନ୍ତ ହୋଇଥିଲା । ହେଲେ ଶବ ସତ୍କାର ପାଇଁ ପାଣିର ପ୍ରଳୟ ପାଟିରୁ ଶବକୁ କେମିତି ଆଣିବେ ସେନେଇ ନାନାପ୍ରକାର ସମସ୍ୟାର ସାମ୍ନା କରିବାକୁ ପଡ଼ିଥିଲା । କାରଣ ଘରେ ପାଣି, ଦାଣ୍ଡରେ ପାଣି ଯୁଆଡ଼େ ଦେଖିବ ଖାଲି ପାଣି ଆଉ ପାଣି । ଶେଷରେ ଶବକୁ ଏକ ଟ୍ୟୁବ୍ ଜରିଆରେ ବେକେପାଣିରେ ଶ୍ମଶାସନକୁ ବୁହାଇ ଆଣିଲେ ପରିବାର ଲୋକଙ୍କ ସହ ଗାଁ ଲୋକେ ।
ଏଭଳି ଦୃଶ୍ୟକୁ ଦେଖି ବିଭିନ୍ନ ମହଲରେ ପ୍ରଶାସନର ପାରିବା ପଣିଆ ଉପରେ ପ୍ରଶ୍ନ ଉଠିଛି । ବର୍ଷା ପାଣି ନିଷ୍କାସନ ପାଇଁ ବାଟ ନଥିବାରୁ ସମଗ୍ର ଗାଁ ପାଣି ଘେରରେ ରହିଛି । ଦୀର୍ଘ ସପ୍ତାହେ ବିତିଯାଇଥିଲେ ବି ବର୍ଷା ଛାଡ଼ିଛି ହେଲେ ଏମାନଙ୍କୁ ଦୁର୍ଦ୍ଦଶା ଅଧିକ ବଢ଼ିଥିବା ଦେଖିବାକୁ ମିଳିଛି । ଆଉ ଆଜି ଘଟିଥିବା ଅଭାବନୀୟ ଘଟଣା ପ୍ରଶାସନର ଭୂମିକାକୁ ନେଇ ସନ୍ଦେହ ପ୍ରକାଶ କରୁଥିବା କହିଛନ୍ତି ଗାଁ ଲୋକେ ।