ଶ୍ରୀଲଙ୍କା ରାଷ୍ଟ୍ରପତିଙ୍କ ବିରୋଧରେ ରାସ୍ତାକୁ ଓହ୍ଲାଇଲେ ଅର୍ନ୍ତଜାତୀୟ ଖେଳାଳୀ, ହାତରେ ଧରିଥିଲେ ଏଭଳି ଲେଖାଥିବା ପ୍ଲାକାର୍ଡ
କନକ ବ୍ୟୁରୋ : ଶ୍ରୀଲଙ୍କାର ଆର୍ଥିକ ସ୍ଥିତି ସବୁଠାରୁ ଖରାପ ହୋଇଛି । ଦେଶରେ ଅତ୍ୟାବଶକୀୟ ସାମଗ୍ରୀର ଦରବୃଦ୍ଧି ଓ ସରକାରଙ୍କ ମନମାନି ବିରୋଧରେ ରାସ୍ତାକୁ ଓହ୍ଲାଇଛନ୍ତି ହଜାର ହଜାର ଶ୍ରୀଲଙ୍କା ନାଗରିକ । ସେମାନେ ରାଷ୍ଟ୍ରପତି ଗୋଟାବାୟା ରାଜପକ୍ଷେଙ୍କ ବାସଭବନ ଆଗରେ ପ୍ରଦର୍ଶନ କରିବା ସହ ବାସଭବନ ଭିତରେ ପଶି ଭଙ୍ଗାରୁଜା କରିଛନ୍ତି । ଏହାରି ମଧ୍ୟରେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ ପରିବାର ସହ କେଉଁଆଡେ ଫେରାର ହୋଇଯାଇଥିବା କଥା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡକଥା କି ଶ୍ରୀଲଙ୍କା ନାଗରିକମାନେ ପ୍ରଦର୍ଶନ କରୁଥିବା କ୍ଷେତ୍ରରୁ ଦେଶର ପୂର୍ବତନ କ୍ରିକେଟ ଖେଳାଳୀ ସନଥ ଜୟସୁରିଆଙ୍କୁ ଦେଖିବାକୁ ମିଳିଛି । ସେ ଏହି ଆନ୍ଦୋଳନରେ ସାମିଲ ହୋଇ ରାଷ୍ଟ୍ରପତିଙ୍କ ଇସ୍ତଫା ଦାବି କରିଛନ୍ତି । ଏହାସହ ଆନ୍ଦୋଳନ ସହିତ ଜଡିତ କିଛି ଫଟୋ ଓ ଭିଡିଓ ସେ ତାଙ୍କ ଟ୍ୱିଟର ହ୍ୟାଣ୍ଡଲରେ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି କି ମୁଁ ସର୍ବଦା ଶ୍ରୀଲଙ୍କା ନାଗରିକଙ୍କ ସହ ରହିଛି । ଖୁବଶୀଘ୍ର ଦେଶର ନାଗରିକଙ୍କ ବିଜୟ ହେବ ବୋଲି ସେ ଲେଖିବା ସହ ରାଷ୍ଟ୍ରପତି ଗୋଟାବାୟା ଶାନ୍ତିର ସହ ପଦ ଛାଡନ୍ତୁ ବୋଲି ପରାମର୍ଶ ଦେଇଛନ୍ତି ।
Ialways stand with the People of Sri Lanka. And will celebrate victory soon. This should be continue without any violation. #Gohomegota#අරගලයටජය pic.twitter.com/q7AtqLObyn
— Sanath Jayasuriya (@Sanath07) July 9, 2022
ଏହା ପୂର୍ବର ଜୟସୁରିଆ ଏକ ଟ୍ୱିଟ କରିଥିଲେ । ସେଥିରେ ସେ ଲେଖିଥିଲେ କି ଏସିଆ ମହାଦେଶରେ ସବୁଠାରୁ ପୁରୁଣା ଲୋକତନ୍ତ୍ର ରାଷ୍ଟ୍ର ହେଉଛି ଶ୍ରୀଲଙ୍କା । ମୁଁ ଦେଶର ଲୋକଙ୍କୁ ସୁରକ୍ଷା ଦେବାକୁ ଶପଥ ନେଇଛି । ଏହାସହ ଗୋଟାବାୟା ଶ୍ରୀଲଙ୍କା ନାଗରିକଙ୍କ ଭାବନା ସହ ଖେଳୁଥିବା କଥା ଜୟସୁରିଆ ତାଙ୍କ ଟ୍ୱିଟରରେ ଲେଖିଛନ୍ତି ।