ରାହୁଲ ଗାନ୍ଧୀଙ୍କୁ ରାମଙ୍କ ଅବତାର କହି ଅଡୁଆରେ କଂଗ୍ରେସ ନେତା ସଲମାନ ଖୁର୍ସିଦ, ଜାଣନ୍ତୁ କଣ ପ୍ରତିକ୍ରିୟା ରଖିଲା ବିଜେପି
କନକ ବ୍ୟୁରୋ : ଭାରତ ଯୋଡ ଯାତ୍ରାଠାରୁ କଂଗ୍ରେସ ନେତା ରାହୁଲ ଗାନ୍ଧୀ ବେଶ୍ ଚର୍ଚ୍ଚାରେ ଅଛନ୍ତି । ସେପ୍ଟେମ୍ବର ମାସରୁ ଆରମ୍ଭ ହୋଇଥିବା ଭାରତ ଯୋଡ ଯାତ୍ରାରେ ହଜାର ହଜାର ସମର୍ଥକ ଯୋଡି ହେଉଥିବା ବେଳେ ଅଭିନେତା, ଲେଖକ ଓ ସାମାଜିକ କର୍ମୀମାନଙ୍କୁ ମଧ୍ୟ ଏହି ଯାତ୍ରାରେ ଦେଖିବାକୁ ମିଳିଛି । ଭାରତ ଯୋଡ ଯାତ୍ରାର ସଫଳତା ଦେଖିବା ପରେ କଂଗ୍ରେସ ନେତାମାନେ ଉତଫୁଲିତ ହୋଇପଡିଛନ୍ତି । ଏହି କ୍ରମରେ ବରିଷ୍ଠ କଂଗ୍ରେସ ନେତା ସଲମାନ ଖୁର୍ସିଦ ଏଭଳି ଏକ ବୟାନ ଦେଇଛନ୍ତି କି ଯାହାକୁ ନେଇ ବିବାଦ ଦେଖା ଦେଇଛି । ସଲମାନ ଖୁର୍ସିଦ ରାହୁଲ ଗାନ୍ଧୀଙ୍କୁ ଭଗବାନ ରାମଙ୍କ ସହ ତୁଳନା କରିବା ସହ କଂଗ୍ରେସ ନେତାମାନଙ୍କୁ ଭରତ ସହ ତୁଳନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନ୍ୟୁଜ୍ ଏଜେନ୍ସି ଏଏନଆଇ ମୁତାବକ ସଲମାନ ଖୁର୍ସିଦ କହିଛନ୍ତି କି ଭଗବାନ ରାମଙ୍କ କଠଉ ବହୁତ ଦୂର ପର୍ଯ୍ୟନ୍ତ ଯାଇଥାଏ । କେବେ କେବେ ଭଗବାନ ରାମ ଯେଉଁଠି ପହଂଚିପାରନ୍ତି ନାହିଁ ସେଠାରେ ରାମଙ୍କର କଠଉ ଧରି ଭରତ ପହଂଚିଯାଏ ବୋଲି ଖୁର୍ସିଦ କହିଛନ୍ତି । ସେ ଆହୁରି କହିଛନ୍ତି କି ଏବେ ଆମେ କଠଉ ଧରି ଉତ୍ତରପ୍ରଦେଶରେ ପହଂଚିଛି ଏହାପରେ ରାମ ଆସିବେ ବୋଲି ସେ କହିଛନ୍ତି । ଖୁର୍ସିଦ କହିଛନ୍ତି କି ରାହୁଲ ଗାନ୍ଧୀ ଜଣେ ଯୋଗୀଙ୍କ ତପସ୍ୟା ଭଳି ମିଶନ ଉପରେ ଫୋକସ କରିଛନ୍ତି । ଏହାସହ ସେ ରାହୁଲ ଗାନ୍ଧୀଙ୍କୁ ଜଣେ ସୁପର ହ୍ୟୁମାନ ସହ ତୁଳନା କରିଛନ୍ତି ।
ସଲମାନ ଖୁର୍ସିଦଙ୍କ ଏଭଳି ବୟାନକୁ ନେଇ ବିଜେପି ଆକ୍ସନ ମୋଡକୁ ଆସିଛି । ବିଜେପି ପ୍ରବକ୍ତା ଶାହଜାଦ ପୁନାୱାଲା କହିଛନ୍ତି କି ଖୁର୍ସିଦଙ୍କ ବୟାନ ହିନ୍ଦୁମାନଙ୍କ ଆସ୍ଥା ଉପରେ ଅପମାନ । ସେ ତାଙ୍କ ଟ୍ୱିଟରରେ ଲେଖିଛନ୍ତି ଯେ ଯେଉଁଦଳ ରାମଙ୍କର ଅସ୍ତିତ୍ୱକୁ ଅସ୍ୱୀକାର କରି ରାମ ମନ୍ଦିର ନିର୍ମାଣରେ ବାଧା ସୃଷ୍ଟି କରୁଛନ୍ତି ସେହିମାନେ ଏବେ ହିନ୍ଦୁମାନଙ୍କ ଆସ୍ଥାକୁ ଅପମାନ କରୁଛନ୍ତି ।