କନକ ବ୍ୟୁରୋ : ଜାନୁଆରୀ ୬ ତାରିଖରେ ଅନୁଷ୍ଠିତ ହେବାକୁ ଯାଉଛି ଦିଲ୍ଲୀ ଏମସିଡି ନିର୍ବାଚନ । ଏହି ନିର୍ବାଚନରେ ଭାଗ ନେବାକୁ ପ୍ରଥମେ ବିଜେପି ମନା କରିଥିବା ବେଳେ ଏବେ ମତ ପରିବର୍ତ୍ତନ କରିଛି । କେବଳ ମତ ପରିବର୍ତ୍ତନ କରିନାହିଁ ମେୟର ପାଇଁ ଦାବିଦାର ଥିବା ଆମ୍ ଆଦମୀ ପାର୍ଟି ପ୍ରଥମରୁ ପ୍ରାର୍ଥୀ ଘୋଷଣା କରିଥିବା ବେଳେ ଏବେ ବିଜେପି ମଧ୍ୟ ପ୍ରାର୍ଥୀ ଘୋଷଣା କରିଛି । ବିଜେପି ମେୟର ପଦପାଇଁ ରେଖା ଗୁପ୍ତାଙ୍କୁ ପ୍ରାର୍ଥୀ କରିଛି । ଏହାସହ କମଲ ବାଗଡୀଙ୍କୁ ଡେପୁଟି ମେୟର ପଦପାଇଁ ମୈଦାନକୁ ଉହ୍ଲାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଦିଲ୍ଲୀ ବିଜେପିର ନେତା ଆଦେଶ ଗୁପ୍ତା ଏକ ଜାତୀୟ ଗଣମାଧ୍ୟମକୁ ସୂଚନା ଦେଇ କହିଥିଲେ କି ଆମ୍ ଆଦମୀ ପାର୍ଟି ପାଖରେ ବହୁମତ ଥିବାରୁ ବିଜେପି ଏହି ନିର୍ବାଚନ ଲଢିବ ନାହିଁ । ବିଜେପି ଦିଲ୍ଲୀ ଏମସିଡିରେ ଏକ ମଜବୁତ ବିରୋଧୀଦଳର ଭୂମିକା ନିର୍ବାହ କରିବ ।
ସୂଚନା ଥାଉକି ଦିଲ୍ଲୀ ଏମସିଡି ନିର୍ବାଚନରେ ୧୫ ବର୍ଷ ପରେ ବିଜେପିକୁ ପରାଜିତ ହେବାକୁ ପଡିଥିଲା । ମୋଟ ୨୫୦ ଆସନ ବିଶିଷ୍ଠ ଦିଲ୍ଲୀ ଏମସିଡି ନିର୍ବାଚନରେ ଆମ୍ ଆଦମୀ ପାର୍ଟିକୁ ୧୩୪ ଟି ଆସନ ମିଳିଥିବା ବେଳେ ବିଜେପି ୧୦୪ଟି ଆସନରେ ବିଜୟୀ ହୋଇଥିଲା ।