ସିବିଏସଇ ପେପର ଲିକ୍ ନେଇ ଦିଲ୍ଲୀ ପୁଲିସର ଖୋଳତାଡ ! ପରୀକ୍ଷା ନେଇ ଦ୍ୱନ୍ଦରେ ଓଡିଶାର ଛାତ୍ରଛାତ୍ରୀ
କନକ ବ୍ୟୁରୋ : ସିବିଏସଇ ପେପରକ ଲିକ ନେଇ ଦିଲ୍ଲୀ ପୋଲିସର ଛାନଭିନ । ଦିଲ୍ଲୀ ପୋଲିସ ମାମଲାର ଛାନଭିନ୍ ୨୫ ଜଣଙ୍କୁ ଅଟକ ରଖି ପଚରାଉଚରା କରୁଛି । ଗତକାଲି ସିବିଏସଇର ଦଶମ ଓ ଦ୍ୱାଦଶ ଶ୍ରେଣୀର ପ୍ରଶ୍ନପତ୍ର ଲିକ୍ ହୋଇଥିଲା । ଏହା ପରେ ପ୍ରାୟ ୨୪ ଲକ୍ଷ ଛାତ୍ରଛାତ୍ରୀ ସମସ୍ୟାର ସମ୍ମୁଖୀନ ହୋଇଛନ୍ତି । ଦିଲ୍ଲୀ ପୋଲିସ ପେପର ଲିକ୍ ନେଇ ଦୁଇଟି ମାମଲା ରୁଜୁ କରିବା ସହ ତଦନ୍ତ ଲାଗି ଏକ ଟିମ ଗଠନ କରିଛି । ଏବେ ପୁଣି ପରୀକ୍ଷା ଦେବେ ସିବିଏସଇ ଛାତ୍ରଛାତ୍ରୀ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ବା ସିବିଏସଇ, ନୋଟିସ ଜାରି କରି କହିଛି, ଦଶମ ଶ୍ରେଣୀର ଗଣିତ ପରୀକ୍ଷା ଓ ଦ୍ୱାଦଶ ଶ୍ରେଣୀର ଅର୍ଥନୀତି ପରୀକ୍ଷା ପୁଣିଥରେ କରାଯିବ । ୭ ଦିନ ଭିତରେ ତାରିଖ ପ୍ରକାଶ ପାଇବ । ତେବେ ଏହି ପରୀକ୍ଷା ଦିଲ୍ଲୀ ଜୋନରେ ହେବ ନା ଓଡିଶା ସମେତ ସାରା ଦେଶରେ ହେବ ତାକୁ ନେଇ ସିବିଏସଇ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇନି । ଫଳରେ ଓଡିଶା ଜୋନର ଛାତ୍ରଙ୍କ ମଧ୍ୟରେ ଦ୍ୱନ୍ଦ୍ୱ ଦେଖାଦେଇଛି ।