ନିର୍ଦ୍ଧିଷ୍ଟ ସମୟରୁ ଅଧିକ ସମୟ ଯାଏଁ ବାଣ ଫୁଟାଉଛନ୍ତି କି? ହୁସିଆର ହୋଇଯାଆନ୍ତୁ ନହେଲେ ଜେଲ୍ ଯିବାକୁ ପଡିପାରେ ।
ଦଶହରା,ଦୀପାବଳୀ ଏବଂ ଗୁରୁପର୍ବରେ ହିଁ ଆପଣ ବାଣ ଫୁଟାଇ ପାରିବେ । ଏହି ପର୍ବକୁ ଛାଡି ଯଦି ଅନ୍ୟ କୌଣସି ସମୟରେ ଆପଣ ବାଣ ଫୁଟାଉଛନ୍ତି ତେବେ ଆପଣଙ୍କୁ ଉଠାଇନେବ ପୋଲିସ୍ । ଏଭଳି କିଛି ଗାଇଡଲାଇନ୍ ଜାରୀ କରିଛି ଚଣ୍ଡିଗଡ ପ୍ରଶାସନ । ବାଣରୁ ସୃଷ୍ଟି ହେଉଥିବା ପ୍ରଦୂଷଣ ଏବଂ ଶବ୍ଦରୁ ସହରବାସୀଙ୍କୁ ନିସ୍ତାର ଦେବା ପାଇଁ ପ୍ରଶାସନ ଏଭଳି ଏକ ପଦକ୍ଷେପ ନେଇଛି । ଡେପୁଟି କମିଶନର ସଚ୍ଚିନ ରାଣାଙ୍କ ଦ୍ୱାରା ସୁଚନା ମିଳିଛି ଯେ ଦଶହରା ଦିନ ସନ୍ଧ୍ୟା ୫ ରୁ ୮ ଟା ପର୍ଯ୍ୟନ୍ତ ହିଁ ଲୋକଙ୍କୁ ବାଣ ଫୁଟାଇବା ପାଇଁ ମଉକା ମିଳିବ । ଏହାପରେ ବାଣ ଫୁଟାଇଲେ ଉକ୍ତ ବ୍ୟକ୍ତି ସିଧା ଜେଲ୍ ଯିବେ ।
Kanak News is now on WhatsApp
Join and get latest news updates delivered to you via WhatsApp
ଠିକ୍ ସେହିଭଳି ଦୀପାବଳୀ ଅବସରରେ ସନ୍ଧ୍ୟା ୬.୩୦ ରୁ ରାତି ୯.୩୦ ପର୍ଯ୍ୟନ୍ତ ଲୋକମାନେ ବାଣ ଫୁଟାଇବାର ମଜା ନେଇପାରିବେ । ଏହାଛଡା ୨୩ ନଭେମ୍ବର ଗୁରୁପର୍ବ ଦିନ ସନ୍ଧ୍ୟା ୬.୩୦ ରୁ ରାତି ୯.୩୦ ପର୍ଯ୍ୟନ୍ତ ଲୋକେ ବାଣର ମଜା ନେଇପାରିବେ । ୨୪ ନଭେମ୍ବରରୁ ବାଣ ଫୁଟାଇବା ଉପରେ ପ୍ରତିବନ୍ଧ ଲଗାଇ ଦିଆଯିବ ।
ଯେତେ ଅଧିକ ଶବ୍ଦ ତତ୍ ଅନୁଯାୟୀ ଦଣ୍ଡ
ଡେପୁଟି ଡିସିଭ୍କ କହିବାନୁସାରେ ଏଷ୍ଟେଟ୍ ଅଫିସ ତରଫରୁ ବାଣ ବିକ୍ରି କରିବା ଉପରେ ଅସ୍ଥାୟୀ ଲାଇସେନ୍ସ ଜାରୀ କରାଯାଇଛି । ଯେଉଁ ଅଞ୍ଚଳ ପାଇଁ ଲାଇସେନ୍ସ ଜାରୀ କରାଯାଇଛି ସେଠାରେ ହିଁ ବାଣଦୋକାନ ଲାଗିବ । ଏଥିପାଇଁ ସ୍ଥାନ ମଧ୍ୟ ଚିହ୍ନଟ କରାଯାଇଛି । ତେବେ ବାଣର ମାନକ ମଧ୍ୟ ଦିଆଯାଇଛି । ଏଥିରେ କୁହାଯାଇଛି ଯେ ବାଣର ମାନକ ୪ ମିଟରକୁ ଶୁଭାଯାଉଥିବା ଭଳି ବାଣ ହିଁ ବଜାରରେ ବିକ୍ରି ହେବ । ପ୍ରତ୍ୟେକ ବାଣ ଡବା ଉପରେ କଣ୍ଟେଟ୍ ରହିବା ନିହାତି ଆବଶ୍ୟକ ।