କନକ ବ୍ୟୁରୋ: ନିଆଳିରେ ବିଜେଡିର ବିଶାଳ ମହିଳା ସମାବେଶ । ସାମିଲ ହେଲେ ସାଂସଦ ପ୍ରାର୍ଥୀ ରାଜଶ୍ରୀ ମଲ୍ଲିକ ଓ ନିଆଳି ବିଧାୟକ ପ୍ରାର୍ଥୀ ପ୍ରମୋଦ ମଲ୍ଲିକ । ଏହି ସମାବେଶରେ ହଜାର ହଜାର କର୍ମୀ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମହିଳାମାନଙ୍କ ପ୍ରତି ବିଜେଡି ସରକାର କରିଥିବା ବିଭିନ୍ନ ଯୋଜନାର ସମ୍ପର୍କରେ ଅବଗତ କରାଇଥିବା ବେଳେ ବିଜୁ ଜନତା ଦଳ ସରକାର ମହିଳା ମାନଙ୍କୁ ସମାଜର ସ୍ୱତନ୍ତ ପରିଚୟ ଦେଇଛି ବୋଲି କହିଥିଲେ ପ୍ରାର୍ଥୀ । ଆଗାମୀ ସାଧାରଣ ନିର୍ବାଚନରେ ପ୍ରମୋଦ କୁମାର ମଲ୍ଲିକଙ୍କୁ ଚତୁର୍ଥ ଥର ବିଧାୟକ ଓ ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକଙ୍କୁ ଦ୍ୱିତୀୟ ଥର ସାଂସଦ ଭାବେ ନିର୍ବାଚିତ କରିବା ପାଇଁ ମହିଳାମାନେ ଶପଥ ନେଇଥିଲେ । ଏହି ସମାବେଶରେ ଜିଲ୍ଲାପରିଷଦ ସଭ୍ୟା, ମହିଳା ସରପଂଚ, ବ୍ଲକ ମହିଳା ସଭାନେତ୍ରୀ ସମେତ ବିଭିନ୍ନ ପଂଚାୟତର ମହିଳା ମିଶନ ଶକ୍ତିର ସଭାନେତ୍ରୀ, ସମ୍ପାଦିକା ଓ କର୍ମକତା ଉପସ୍ଥିତ ଥିଲେ ।
ପୁରୀ ସଂସଦୀୟ କ୍ଷେତ୍ର କଣାସ ବ୍ଲକ ସୀରେଇ ପଞ୍ଚାୟତରେ ଏକ ବିଶାଳ ପଦଯାତ୍ରା । ଲୋକସଭା ପ୍ରାର୍ଥୀ ସମ୍ବିତ ପାତ୍ର ଓ ସତ୍ୟବାଦୀ ବିଧାୟକ ପ୍ରାର୍ଥୀ ଓମ୍ ପ୍ରକାଶ ମିଶ୍ର ପଦଯାତ୍ରା କରିଥିଲେ । ଏହା ସହ ଏକ ମିଶ୍ରଣ ପର୍ବ ମଧ୍ୟ ଅନୁଷ୍ଠିତ ହୋଇଥିଲା । ସିରେଇ, କଣାସ ଓ ଗଡ଼ସାହି ପଂଚାୟତର ଅନେକ ସରପଂଚ ଓ ପୂର୍ବତନ ସରପଂଚ ବିଜେପିରେ ସାମିଲ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିକାଶମୂଖୀ କାର୍ଯ୍ୟରେ ଅନୁପ୍ରାଣିତ ହୋଇ ବିଜେପିରେ ସାମିଲ ହୋଇଥିବା କହିଛନ୍ତି ।