ଡିସିପି ଅଫିସ ନିକଟରେ ଦୁର୍ବୃତ୍ତଙ୍କ ଆତଙ୍କ : ଅଫିସଠୁ ମାତ୍ର ୨୦୦ ମିଟର ଦୂରରେ ବୋମାମାଡ; ଦୁର୍ବୃତ୍ତ ଫେରାର
କନକ ବ୍ୟୁରୋ : ଡିସିପି ଅଫିସ ନିକଟରେ ଦୁର୍ବୃତ୍ତଙ୍କ ଆତଙ୍କ । ଅଫିସଠୁ ମାତ୍ର ୨ଶହ ମିଟର ଦୂରରେ ବୋମାମାଡ ହୋଇଛି । ସହିଦନଗରର ଏକ ଜୋତା ସୋ’ରୁମର ବୋମା ଫିଙ୍ଗି ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି । ସୋରୁମ୍ ମାଲିକଙ୍କୁ ମାରିଦେବାକୁ ଧମକ ବି ଦେଇଛନ୍ତି । ଏନେଇ ସହିଦନଗର ଥାନାରେ ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସହିଦନଗରରେ ଥିବା ଡଲଫିନ’ ନାଁରେ ଥିବା ଜୋତା ସୋରୁମର ମାଲିକ ନଥିବା ବେଳେ ଏହି ୫ଜଣ ଦୁର୍ବୃତ୍ତ ଆସି ପହଞ୍ଚିଥିଲେ । ବିଳମ୍ବିତ ରାତିରେ ଏକ ବାଇକରେ ଆସି ଧମକ ଚମକ ଦେବା ସହିତ ସୋରୁମରେ ଭଙ୍ଗାରୁଜା କରିଥିଲେ । ପରେ ବାହାରକୁ ଆସି ବୋମାମାଡ କରି ଫେରାର ହୋଇଯାଇଛନ୍ତିା ବଚସା କାରଣରୁ ଏହି ବୋମାମାଡ କରାଯାଇଥିବ ଅନୁମାନ କରାଯାଉଛି । ଘଟଣା ନେଇ ପୁଲିସ ଛାନଭିନ୍ ଜାରି ରଖିଛି ।