କନକ ବ୍ୟୁରୋ : ଟୁ-ଲେଟ୍ ବା ଘରଭଡ଼ା ପାଇଁ ଭୁବନେଶ୍ୱରର ବିଦ୍ୟୁତ ଖୁଂଟ ଓ କାନ୍ଥରେ ଏ-୪ ସାଇଜ୍ କାଗଜରେ ବିଜ୍ଞାପନ ଲଗାଇବାରୁ ମୋଟା ଅଂକର ଜରିମାନା କଷିଥିଲା ବିଏମସି । ତିନୋଟି ଏପରି ବିଜ୍ଞାପନ ପାଇଁ ଦେଢ଼ ଲକ୍ଷ ଟଙ୍କାର ଫାଇନ୍ ଆଦାୟ କରିବା ସହ ସଂପୃକ୍ତ ସଂସ୍ଥା ବିରୋଧରେ ଏତଲା ଦିଆଯାଇଥିଲା । ବିଏମସି କମିସନର ତାଗିଦ କରି କହିଥିଲେ, ସହରର ସୌନ୍ଦର୍ଯ୍ୟ ନଷ୍ଟ କରୁଥିବା ବ୍ୟକ୍ତି ଓ ସଂସ୍ଥା ବିରୋଧରେ ଦୃଢ଼ କାଯ୍ୟାନୁଷ୍ଠାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ସାଧାରଣ ଲୋକଙ୍କ ଉପରେ ବିଏମସି ଫାଇନ କଷୁଥିବା ବେଳେ ରାଜଧାନୀର କାନ୍ଥରେ ଭର୍ତି ହୋଇ ରହିଛି ଉଭୟ ଶାସକ ଓ ବିରୋଧୀ ଦଳ ନେତାଙ୍କ ପ୍ରଚାର ପୋଷ୍ଟର । ଏବେ ପ୍ରଶ୍ନ ଉଠୁଛି, ଜନତାଙ୍କ ଉପରେ ଦାଉ ସାଧୁଥିବା ବେଳେ ରାଜନୈତିକ ଦଳ ଓ ନେତାଙ୍କ ଉପରେ କେବେ କାର୍ଯ୍ୟାନୁଷ୍ଠାନ ଗ୍ରହଣ କରିବ ବିଏମସି । ତେବେ ଭୁବନେଶ୍ୱର ମେୟର କହିଛନ୍ତି, କାର୍ଯ୍ୟକ୍ରମ ସରିବା ପରେ ରାଜନୈତିକ ଦଳ ସେମାନଙ୍କ ପୋଷ୍ଟର ଓ ବ୍ୟାନର ହଟାଇ ଦିଅନ୍ତୁ । ଏପରି କରିବାକୁ ସେମାନଙ୍କୁ ଅନୁରୋଧ କରାଯିବ ବୋଲି କହିଛନ୍ତି ମେୟର ।
ଭୁବନେଶ୍ୱର କାନ୍ଥ-ବାଡ଼ରେ ପୋଷ୍ଟର ଓ ପ୍ରଚାର ପତ୍ର ଲଗାଇବା ନେଇ ବିଏମ୍ସିର ଅଙ୍କୁଶ ପରେ ସୋସିଆଲ୍ ମିଡିଆ ‘ଏକ୍ସ’ରେ ପ୍ରତିକ୍ର୍ରିୟା ପ୍ରକାଶ ପାଇଛି । ସାଧାରଣ ଲୋକ ପ୍ରଶ୍ନ କରିଛନ୍ତି, ନେତାଙ୍କ ଉପରେ ଫାଇନ୍ ପକାଇପାରିବ ତ ବିଏମସି?