ବିଜେପି ଗୀତରେ ଗାନ୍ଧୀ-ମୋଦି: ଗାନ୍ଧୀଙ୍କ ପାଇଁ ନୂଆ ଗୀତ ଆଣିଲା ବିଜେପି । ଜାତିର ପିତାଙ୍କ ପ୍ରଶଂସା ସହ ଗୀତରେ ମୋଦିଙ୍କ ପ୍ରଚାର
କନକ ବ୍ୟୁରୋ: ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପାଳନ ପାଇଁ ସଜବାଜ ଆରମ୍ଭ କରିଛି ବିଜେପି । ୧୫ ଦିନ ବ୍ୟାପୀ ଗାନ୍ଧୀଙ୍କ ଜୟନ୍ତୀ ଉତ୍ସବ ପାଳନ କରିବ ରାଜ୍ୟ ବିଜେପି । ଏଥିସହ ପଦଯାତ୍ରା କରି ଜନତାଙ୍କ ପାଖରେ ଗାନ୍ଧୀଙ୍କ ବାର୍ତ୍ତା ସହ ମୋଦିଙ୍କ ମନ୍ତ୍ର ପହଞ୍ଚାଇବ ବିଜେପି । ତେଣୁ ଏଥିପାଇଁ ଦଳ ପକ୍ଷରୁ ପ୍ରସ୍ତୁତ ହୋଇଛି ଗୀତ ଓ ପୋଷ୍ଟର ।
Kanak News is now on WhatsApp
Join and get latest news updates delivered to you via WhatsApp
ବିଜେପି ପକ୍ଷରୁ ଜାରି କରାଯାଇଥିବା ଗୀତରେ ଦର୍ଶାଯାଇଛି ଯେ, ଗାନ୍ଧୀ ଦେଖିଥିବା ସ୍ୱପ୍ନକୁ ବାସ୍ତବିକ ରୂପ ଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଯ୍ୟ କରିଚାଲିଛନ୍ତି । ଗାନ୍ଧୀଙ୍କ ଅଧୁରା ସ୍ୱପ୍ନକୁ ମୋଦି ବାସ୍ତବ ରୂପ ଦେଉଛନ୍ତି ଆଉ ଆଗକୁ ଗାନ୍ଧୀଙ୍କ ଗୋଟି ଗୋଟି ସ୍ୱପ୍ନକୁ ସାକାର କରିବେ ବୋଲି ବିଜେପି ଦ୍ୱାରା ପ୍ରସ୍ତୁତ ଗୀତରେ କୁହାଯାଇଛି ।
ତେବେ କେବଳ ବିଜେପି ନୁହେଁ ବରଂ ବିଜେଡି ଓ କଂଗ୍ରେସ ମଧ୍ୟ ଗାନ୍ଧୀ ଜୟନ୍ତୀ ପାଇଁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରୁଛନ୍ତି । ଆସନ୍ତା କାଲି ସମଗ୍ର ଦେଶ ଜାତିର ଜନକଙ୍କ ୧୫୦ତମ ଜୟନ୍ତୀ ପାଳନ କରୁଥିବା ବେଳେ, କିଏ ଗାନ୍ଧୀନୀତିକୁ ଅନୁସରଣ କରୁଛି ତାହାକୁ ନେଇ ତିନି ପ୍ରମୁଖ ରାଜନୈତିକ ଦଳ ମଧ୍ୟରେ ଆରମ୍ଭ ହୋଇଯାଇଛ ପ୍ରତିଯୋଗୀତା ।