ସୁପରଫ୍ୟାନଙ୍କ ସହ ଫଟୋ ଉଠାଇଲେ ବିରୁଷ୍କା । ମୁମ୍ବାଇ ରିସେପସନ ପାର୍ଟିରେ ଶ୍ରୀଲଙ୍କାର ସ୍ୱତନ୍ତ୍ର ଅତିଥିଙ୍କୁ ଚାରିଆଡୁ ପ୍ରଶଂସା ।
ଇଣ୍ଡିଆ କ୍ରିକେଟ ଅଧିନାୟକ ବିରାଟ କୋହଲି ଓ ଅନୁଷ୍କା ଶର୍ମା ସୁସୂର ଇଟାଲୀରେ ବର୍ଣ୍ଣାଢ୍ୟ ବିବାହ କରିଥିଲେ । ୨୧ ତାରିଖରେ ଦିଲ୍ଲୀ ରେ ତାଙ୍କର ପ୍ରଥମ ରିସେପସନ ପାର୍ଟି ଆୟୋଜନ ହୋଇଥିଲା ବେଳେ ଗତ ମଙ୍ଗବାରଦିନ ତାଙ୍କର ଦ୍ୱିତୀୟ ରିସେପସନ ପାର୍ଟି ମୁମ୍ବାଇର ସେଂଟ ରେଗିସ ହୋଟେଲରେ ଦୁହିଁଙ୍କ ରିସେପ୍ସନ ପାର୍ଟି ଆୟୋଜନ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ରିସେପସନ ପାର୍ଟିରେ ଏଭଳି ଜଣେ ବ୍ୟକ୍ତିଙ୍କୁ ଦେଖିବାକୁ ମିଳିଥିଲା ,ସେ ଖେଳାଳି ନୁହଁନ୍ତି କିମ୍ବା ବଲିଉଡର ଜଣାଶୁଣା ଆକ୍ଟର ନୁହନ୍ତି । ସେ ହେଉଛନ୍ତି ଜଣେ ସାଧାରଣ ପ୍ରଂଶସକ । ଏବେ ଏହି ପ୍ରଂଶସକକୁ ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି । ତେବେ ଆପଣ ଜାଣିବାକୁ ନିଶ୍ଚିତ ଚାହୁଁଥିବେ, ସେ ପ୍ରଶଂସକ ଜଣ କିଏ ? ଯେଉଁମାନଙ୍କୁ ଦେଖିବାକୁ ଦର୍ଶକ ବର୍ଷ ବର୍ଷ ଅପେକ୍ଷା କରୁଛନ୍ତି ।
ସେମାନେ କିଭଳି ଗୋଟିଏ ସାଧାରଣ ବ୍ୟକ୍ତିକୁ ତାଙ୍କର ରିସେପସନ ପାର୍ଟିରେ ନିମନ୍ତ୍ରଣ କରିଲେ । ଏହା ଆପଣଙ୍କୁ ନିଶ୍ଚିତ ବିସ୍ମିତ କରୁଥିବ । ତେବେ ଜାଣି ରଖନ୍ତୁ ସେ ଜଣେ ଶ୍ରୀଲଙ୍କାର ପାଗଳ କ୍ରିକେଟ ପ୍ରଶଂସକ । ତାଙ୍କ ନାମ ଗାୟାନ ସେନାନାୟକ । ପୃଥିବୀର ଯେକୌଣସି ଦେଶରେ ଶ୍ରୀଲଙ୍କା ଦଳ କ୍ରିକେଟ ଖେଳେ ସେଠାରେ ନିଶ୍ଚିତ ଭାବେ ଗାୟାନ ପହଂଚିଯାଆନ୍ତି । ପଡିଆରେ ବସି ସେ ଶ୍ରୀଲଙ୍କା ଖେଳାଳିଙ୍କ ସହ ଅନ୍ୟମାନଙ୍କୁ ମଧ୍ୟ ଉତ୍ସାହିତ କରନ୍ତି ।
ଗାୟାନ ମଙ୍ଗଳବାର ପାର୍ଟିରେ ପହଂଚିବା ପରେ ବିରାଟ ଓ ଅନୁଷ୍କା ତାଙ୍କ ପାଖକୁ ଆସି ଖବର ବୁଝିବା ସହ ଫଟୋ ଉଠାଇଥିଲେ । ଏହି ଫଟୋ ସୋସିଆଲ ମିଡିଆରେ ଆସିବା ପରେ ଭାରତ, ଶ୍ରୀଲଙ୍କା ସହିତ ବହୁ ଦେଶର କ୍ରିକେଟ ପ୍ରଶଂସକମାନେ ଖୁବ ତାରିଫ କରିଛନ୍ତି ବିରାଟଙ୍କୁ । ବଡ଼ବଡ଼ ଷ୍ଟାରମାନଙ୍କ ଭିତରେ ବିରାଟ ସାଧାରଣ କ୍ରିକେଟ ପ୍ରଶଂସକଙ୍କୁ ଭୁଲିନଥିବା ଏକ ଉଲ୍ଲେଖନୀୟ ବିଷୟ ବୋଲି ଚର୍ଚ୍ଚା ହେବାରେ ଲାଗିଛି ।