ବ୍ରହ୍ମଗିରି ରେଞ୍ଜରେ ଚାଲିଛି ପକ୍ଷୀଗଣନା, ୪ଟି ଟିମ୍ ସାମିଲ
କନକ ବ୍ୟୁରୋ : ଆଜି ପୁରୀ ବନ ବିଭାଗରେ ପକ୍ଷୀ ଗଣନା ଆରମ୍ଭ ହୋଇଛି । ଚିଲିକା ଉକପୂଳରେ ଥିବା ବ୍ରହ୍ମଗିରି ରେଂଜରେ ସକାଳ ୬ଟାରୁ ଆରମ୍ଭ ହୋଇଛି ଗଣନା । ଏଥିରେ ୪ଟି ଟିମ୍ ସାମିଲ ହୋଇଛନ୍ତି । ପ୍ରତ୍ୟେକ ଟିମରେ ୫ ଜଣ ଲେଖାଏଁ ରହିଛନ୍ତି । ବନ ବିଭାଗ କର୍ମଚାରୀ, ପକ୍ଷୀ ବିଶାରଦ ଗଣନା କରୁଛନ୍ତି । ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଗଣନା ଚାଲିବ । ବାଏନା କୁଲାର ଓ ଉଚ୍ଚକ୍ଷମତା ବିଶିଷ୍ଟ କ୍ୟାମେରା ଦ୍ୱାରା ଗଣନା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଚିଲିକାରେ ପକ୍ଷୀ ଗଣନା ଶେଷ ହୋଇଥିବା ବେଳେ ଗତ ବର୍ଷ ତୁଳନାରେ ଏଥର କମ୍ ପକ୍ଷୀ ଆସିଛନ୍ତି । ଗଣନା ବେଳେ ମିଳିଥିବା ତଥ୍ୟରୁ ଏହା କହୁଛି । ଗତବର୍ଷ ତୁଳନାରେ ଚିଲିକାକୁ ଚଳିତବର୍ଷ ୧ ଲକ୍ଷ ୬୮ ହଜାର ପକ୍ଷୀ କମ୍ ଆସିଛନ୍ତି । ଚଳିତବର୍ଷ ଚିଲିକାକୁ ସର୍ବମୋଟ ୧୦ ଲକ୍ଷ ୭୪ ହଜାର ୧୭୩ ପକ୍ଷୀ ଆସଥିବା ବେଳେ ଗତବର୍ଷ ଆସିଥିଲେ ୧୨ ଲକ୍ଷ ୪୨ ହଜାର ।
ସେହିପରି ଗତବର୍ଷ ୧୯୦ ପ୍ରଜାତିର ପକ୍ଷୀ ଏଠାକୁ ଆସିଥିଲା ବେଳେ ଏଥର ୧୮୩ ପ୍ରଜାତିର ପକ୍ଷୀ ଆସିଛନ୍ତି । ନଳବଣକୁ ଏଥର ୩ ଲକ୍ଷ ୫୮ ହଜାର ପକ୍ଷୀ ଆସିଛନ୍ତି । ଏହି ପକ୍ଷୀ ଗଣନା ପାଇଁ ଚିଲିକା ବନ୍ୟପ୍ରାଣୀ ଡିଭିଜନରେ ଥିବା ୫ଟି ରେଂଜ, ଚିଲିକା, ସାତପଡ଼ା, ରମ୍ଭା, ନୂଆପଡ଼ା ଓ ଟାଂଗୀରେ ୨୧ଟି ଟିମ୍ ନିୟୋଜିତ ହୋଇଥିଲେ ।