ଖିଲାଡ଼ି ତାରକାଙ୍କ ପ୍ରଶଂସାରେ ଶତମୁଖ ବିଲ୍ ଗେଟସ୍ ! ଅକ୍ଷୟ କୁମାରଙ୍କ ସିନେମା ‘ଟୟଲେଟ୍-ଏକ ପ୍ରେମ କଥା’କୁ କଲେ ପ୍ରଶଂସା
ଖିଲାଡ଼ି ତାରକାଙ୍କ ସିନେମାକୁ ପସନ୍ଦ କଲେ ବିଶ୍ୱର ସବୁଠାରୁ ଧନୀ ବ୍ୟକ୍ତି ବିଲ୍ ଗେଟସ୍ । ୨୦୧୭ରେ ଅକ୍ଷୟ କୁମାରଙ୍କ ପାଇଁ ବେଶ୍ ଭଲ କଟିଲା । ବର୍ଷ ଆରମ୍ଭରୁ ହିଁ ତାଙ୍କ ସିନେମା ‘ରୁସ୍ତମ୍’କୁ ଦର୍ଶକ ବେଶ୍ ପସନ୍ଦ କରିଥିଲେ । ଆଉ ଏହି ସିନେମା ପାଇଁ ଜାତୀୟ ପୁରସ୍କାର ମଧ୍ୟ ଘୋଷଣା କରାଯାଇଥିଲା । ଆଉ ଏବେ ବର୍ଷ ଶେଷ ହେବା ସମୟରେ ତାଙ୍କର କଠିନ ପରିଶ୍ରମ ଉପରେ ଲାଗିଛି ଆଉ ଏକ ମୋହର । ଦୁନିଆର ସବୁଠାରୁ ଧନୀ ବ୍ୟକ୍ତି ତଥା ମାଇକ୍ରୋସପ୍ଟର ପ୍ରତିଷ୍ଠାତା ବିଲ୍ ଗେଟସ୍, ଅକ୍ଷୟ କୁମାରଙ୍କ ସିନେମା ‘ଟୟଲେଟ୍ ଏକ ପ୍ରେମ କଥା’ର ପ୍ରଶଂସା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ବିଲ୍ ଗେଟସ କିଛି ଏପରି ଖବର ତଥା ଟ୍ୱିଟ୍ ବିଷୟରେ ଆଲୋଚନା କହିଥିଲେ, ଯାହା ୨୦୧୭ରେ ବହୁତ ପ୍ରଭାବିତ କରିଛି । ଏହି କ୍ରମରେ ବିଲ ଗେଟସ୍ ଅକ୍ଷୟ କୁମାରଙ୍କ ସିନେମା ‘ଟୟଲେଟ୍ ଏକ ପ୍ରେମ କଥା’ର ଭୁରି ଭୁରି ପ୍ରଶଂସା କରିଛନ୍ତି । ସେ ଟ୍ୱିଟ୍ ଜରିଆରେ ଲେଖିଛନ୍ତି ‘ଟୟଲେଟ୍ ଏକ ପ୍ରେମକଥା’ ଜରିଆରେ ଭାରତର ଲୋକଙ୍କୁ ସ୍ୱଚ୍ଛତା ବିଷୟରେ ଅବଗତ କରାଯାଇଛି । ଏହା ଏକ ଖୁବ ଭଲ ସିନେମା । ତେବେ ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ଠାରୁ ପ୍ରଶଂସା ଶୁଣି ଅକ୍ଷୟ ନିଶ୍ଚୟ ଖୁସି ହୋଇଯାଇଥିବେ ।